Раўхані застаўся на пасадзе прэзідэнта Ірана
- 20.05.2017, 13:00
- 5,334
Дзяржаўнае тэлебачанне Ірана паведаміла, што на праведзеных у краіне прэзідэнцкіх выбарах перамог дзейны прэзідэнт Хасан Раўхані.
Гэтую інфармацыю паведамляе AP.
У тым выпадку, калі б ніхто з кандыдатаў не перасягнуў планку 50%, быў бы прызначаны другі тур. Але гэта не спатрэбіцца.
Пасля апрацоўкі 40,076 млн бюлетэняў высветлілася, што за Раўхані прагаласавалі 22,796 млн выбарнікаў, а за ягонага галоўнага апанента Эбрахіма Раісі – 15,452 млн. Два іншыя кандыдаты вельмі моцна адсталі.
Перамогу Раўхані афіцыйна пацвердзіў кіраўнік МУС краіны Абдалрэза Рахмані Фазлі. Паводле ягоных словаў, апрацаваныя 100% бюлетэняў, 57% галасоў атрымаў дзейны прэзідэнт. Яўка, паводле звестак МУС Ірана, склала блізу 70%.