На Філіпінах «палатачнікі» ўвялі штраф за недастаткова душэўнае спяванне гімна
5- 28.06.2017, 12:59
- 18,708
Парушальнікаў, акрамя штрафу $5,5 тысяч, будуць аддаваць на «публічную ганьбу».
Пра гэта гаворыцца ў дакуменце, апублікаваным на сайце ніжняй палаты філіпінскага парламента, паведамляе echo.msk.ru.
Штраф складзе ад 3-х да 5,5 тысяч даляраў. Парушальнікаў спачатку папярэдзяць, затым іх імёны надрукуюць у нацыянальнай газеце і аддадуць на публічную ганьбу.
У законапраекце адзначаецца, што выкананне гімна на публічных мерапрыемствах павінна быць абавязковым, а спяваць трэба з імпэтам. Аўтары дакумента наракаюць на тое, што, напрыклад, у кінатэатрах пры выканання гімна не ўсе ўстаюць.