Еўразвяз падоўжыў эканамічныя санкцыі супраць Расеі

Абмежавальныя захады супраць сектараў эканомікі РФ падоўжаныя як мінімум на паўгода.

Еўразвяз афіцыйна падоўжыў на паўгода эканамічныя санкцыі супраць Расеі, якія мінаюць 31 ліпеня, паведаміла РІА «Новости» крыніца ў ЕЗ.

«Пастанова прынятая», - паведаміў суразмоўца агенцтва, які пажадаў застацца неназваным.

Старшыня Еўрарады Дональд Туск 22 чэрвеня паведаміў, што кіраўнікі дзяржаў і ўрадаў краін-чальцоў ЕЗ на саміце прынялі палітычную пастанову пра падаўжэнне дзейных эканамічных санкцый супраць Масквы на паўгода «праз недастатковае выкананне ёю Менскіх пагадненняў». Затым была запушчаная пісьмовая працэдура фармальнага пацверджання пастановы, якая не прадугледжвае правядзення пасяджэнняў.

У канцы ліпеня 2014 года ЕЗ і ЗША ад кропкавых санкцый супраць асобных фізічных асоб і кампаній перайшлі да захадаў супраць цэлых сектараў расейскай эканомікі. Саміт ЕЗ у сакавіку 2015 года звязаў тэрмін дзеяння эканамічных санкцый з поўнай імплементацыяй «менскіх пагадненняў».

У адказ на прынятыя Захадам захады Расея абмежавала імпарт харчовых тавараў з краін, якія ўвялі ў дачыненні да яе санкцыі: ЗША, дзяржаў ЕЗ, Канады, Аўстраліі і Нарвегіі.