Павел Севярынец: З дапамогай сяброў адаб'ёмся
1- 28.06.2017, 14:59
- 17,694
Апазіцыйнаму палітыку пагражаюць арыштам маёмасці за нявыплачаныя штрафы.
Судовыя выканаўцы папярэдзілі сустаршыню Беларускай хрысціянскай дэмакратыі Паўла Севярынца, што на днях пачнуць «апісваць і арыштоўваць ягоную маёмасць», калі ён не выплаціць штрафы, прысуджаныя за ўдзел у Маршы абураных беларусаў 17 лютага і акцыі салідарнасці з палітвязнямі каля будынку КДБ 31 сакавіка.
«Помсцяць за вясновыя акцыі, - перакананы Павел Севярынец. - У мяне няма магчымасці выплачваць гэтыя абсурдныя штрафы, як і няма ў нашай сям'і асаблівай маёмасці - хіба пральная машына і лядоўня ў здымнай аднапакаёвай кватэры. Напэўна, адключаць тэлефон ці зробяць невыязным...На жаль, магчымасці салідарнасці не бязмежныя - за апошні год такіх штрафаў было паўтара дзясятка. Калі выканаўцы пагодзяцца на растэрміноўку, з дапамогай сяброў адаб'ёмся. Калі не - значыць, фактычна дзейнічае загад «ціснуць».
Палітык звяртае ўвагу на тое, што пагрозы адбываюцца напярэдадні 3 ліпеня і сесіі Парламенцкай асамблеі АБСЕ ў Менску.