Беларусь атрымае амаль удвая менш расейскай нафты
5- 28.06.2017, 15:27
- 17,611
Расея ў трэцім квартале паставіць у Беларусь 4,5 мільёна тон нафты ў параўнанні з планамі да сямі мільёнаў тон.
Пра гэта interfax.by паведаміў міністр энэргетыкі РФ Аляксандр Новак.
У сваю чаргу ў канцэрне «Белнафтахім» паведамілі, што «пастаўкі будуць весціся ў адпаведнасці з заяўкай беларускага боку».
Як паведамлялася, у 2016 года Расея скараціла пастаўкі ў Беларусь нафты да 18,4 млн т праз рознагалоссі ў падыходах да вызначэння кошту газу.
У другім квартале рознагалоссі былі ўрэгуляваныя. У першым квартале РФ паставіла ў Беларусь 4 млн т, у II квартале - 5 млн т. Прэс-сакратар «Транснафты» Ігар Дзёмін паведамляў, што ў другім паўгоддзі ў Беларусь будзе пастаўлена 15 млн тон. Меркавалася, у трэцім і чацвёртым квартале будзе пастаўлена па 7 млн тон нафты.