Яўген Ліпковіч пра парад: Калі генералы салютуюць хлопчыку - гэта карыкатура
84- 28.06.2017, 18:03
- 40,071
Наземны парад даўно трэба замяніць паветраным, асфальт будзе не сапсаваны.
Яўген Ліпковіч, пісьменнік, сцэнарыст і блогер мяркуе, што наземны парад у існым выглядзе даўно не мае сэнсу, а працоўныя калектывы пры вялікім жаданні могуць ладзіць дэманстрацыі самі па сабе, піша «Белсат».
«Наяўнасць на трыбуне некаторых сямейнікаў вышэйшага чыноўніка выклікае апраўданае абурэнне ў часткі насельніцтва. І калі генералы салютуюць нейкаму хлопчыку, гэта зусім ператварае парад у карыкатурную гульню ў салдацікі», - кажа Яўген Ліпковіч.
Блогер падкрэслівае, аднак, што вайсковыя парады ў Дзень Незалежнасці - сусветная практыка.
«У якасці кампрамісу я б прапанаваў скасаваць парад з танкамі, пакарабачаным асфальтам і пабітымі ліхтарамі, пакінуць толькі паветраную частку. А дэманстрацыю рабочых ладзіць у закрытым памяшканні, у комплексе «Чыжоўка-Арэна», напрыклад».
Ён згодны пакінуць усё, як ёсць, толькі пры адной умове:
«Але калі на парадзе раптам выпадкова задушылі б прэс-сакратара Міністэрства абароны Макарава, то я гатовы глядзець парад і так», - кажа Яўген Ліпковіч.