Дырэктар стадыёна ў Маладзечне забіраў сабе заробак неіснага прыбіральніка

«Мёртвая душа» прыносіла спартоваму функцыянеру нядрэнны прыбытак.

Дырэктар Маладзечанскага стадыёна прысвойваў заробак фіктыўнага прыбіральніка, распавялі карэспандэнту БелТА ў прэс-службе УУС Менаблвыканкама, піша kyky.org.

Справа абстаўленая так: у перыяд з 2013 года да 2017-а на гарадскі стадыён быў працаўладкаваны чалавек на пасаду прыбіральніка. Аднак чалавек фактычна не працаваў, хоць штомесячны заробак спраўна яму паступаў. Менавіта гэтыя грошы і забіраў сабе дырэктар. Пры гэтым, двое існых прыбіральшчыкаў прыходзілі на працу, працавалі і пра «наяўнасць» трэцяга калегі не падазравалі.

У АБЭЗ Маладзечанскага РАУС распавялі: «Падчас комплексу аператыўна-вышуковых мерапрыемстваў мы прыйшлі да высновы, што налічаныя сумы дырэктар стадыёна рэгулярна здымаў з карткі і выкарыстоўваў грошы на ўласнае меркаванне. Агульная сума выкрадзенага складае амаль 13 тысяч беларускіх рублёў».

Цяпер у дачыненні да дырэктара заведзеная крымінальная справа, праводзіцца расследаванне.