Былы «прэзідэнт» Прыднястроўя таемна сплыў у Малдову
14- 28.06.2017, 20:56
- 19,077
Яўгена Шаўчука абвінавачваюць у крадзяжы дзяржаўных сродкаў.
Былы «прэзідэнт» Прыднястроўя Яўген Шаўчук таемна пакінуў непрызнаную рэспубліку і збег у Малдову, піша ria.ru.
Як распавёў спікер Вярхоўнага савета Прыднястроўя Аляксандр Шчэрба, у ноч на 28 чэрвеня Яўген Шаўчук «перасёк раку Днестр на плаваючым сродку і збег з тэрыторыі Прыднястроўскай Малдаўскай рэспублікі».
Яўген Шаўчук узначальваў Прыднястроўе з 2011 да 2016 года. Цяпер яго падазраюць у крадзяжы дзяржаўных сродкаў у асабліва буйных сумах. 28 чэрвеня Вярхоўны савет на просьбу пракурора ПМР пазбавіў Шаўчука недатыкальнасці.