У Берасці на сёння абвешчаны чырвоны ўзровень небяспекі
- 12.08.2017, 10:48
- 15,766
Звязана гэта з анамальнай спёкай.
Трэці дзень запар тэмпература паветра ў рэгіёне падымаецца да 34 - 35 градусаў цяпла. Такія ж адзнакі на слупку тэрмометра можна будзе ўбачыць і сёння. Чырвоны ўзровень небяспекі аб'яўлены ўпершыню за цяперашняе лета.
Да вечара, паводле прагнозаў сіноптыкаў, да заходніх рэгіёнаў Берасцейшчыны павінен падысці навальнічны фронт. Чакаюцца моцныя ліўні, парывісты вецер, месцамі град. Дарэчы, учора ў прадстаўніцтва «Белдзяржстраху» па Камянецкаму раёну звярнуліся блізу 20 чалавек для пакрыцця шкоды па страхавых падзеях. Напярэдадні на Камянцы прайшла моцная навальніца з рэзкімі парывамі ветру і градам памерам з буйныя фасоліны. На некаторых дамах стыхія сарвала дах, пашкодзіла вокны. Град пабіў полікарбанатнае пакрыццё цяпліц на прысядзібных участках, лёгкія канструкцыі вецер пераварочваў, піша sb.by.
Заўтра ў рэгіёне пахаладае да 20 - 23 градусаў цяпла. Зрэшты, гарачае надвор'е можа вярнуцца ўжо да сярэдзіны надыходзячага тыдня.