Даляр рэзка падаражэе

Міністэрства фінансаў ЗША апублікавала план выпуску дзяржаблігацый на 501 млрд даляраў.

Гэты факт беспрэцэдэнтнага аб'ёму выпуску аблігацый паўплывае на якасць крэдытнага рэйтынгу ўрада ЗША, на фінансавы рынак у цэлым і на курс даляра між іншым.

Як менавіта, Myfin.by распавёў фінансавы кансультант TeleTrade Міхаіл Грачоў.

- Так пабудаваная сусветная фінансавая сістэма, што акрамя асноўных рэзервовых валют, і асабліва іх ядра - даляр ЗША, на фінансавым рынку маюцца каштоўныя паперы, і нумар адзін сярод іх - гэта дзяржаблігацыі ўрада ЗША - трэжэрыс, растлумачыў аналітык.

Праз тое, што ў трэжэрыс найвышэйшы рэйтынг устойлівасці сярод іншых каштоўных папер, яны не толькі карыстаюцца попытам у найбуйнейшых інвестараў, але і рэкамендаваны для інвестыцый урадам і дзяржаўным рэзервовым фондам большасці краін.

Можна казаць, што трэжэрыс - другая валюта Злучаных Штатаў. Даляры ЗША выпускаюцца Федэральнай рэзервовай сістэмай, а эмітэнт трэжэрыс - урадам.

- Інвестарская цікавасць да гэтых актываў узаемна адваротная. Пры росце попыту на аблігацыі зніжаецца іх прыбытковасць і ў гэты ж час падае цікавасць да даляра, ягоны курс зніжаецца. Калі павялічваецца попыт на даляр - цікавасць да трэжэрыса зніжаецца, іх прыбытковасць расце, расце і курс амерыканскай валюты, - сказаў Грачоў.

Мінфін ЗША апублікаваў план размяшчэння аблігацый у чацвёртым квартале гэтага года. З кастрычніка да снежня 2017-га будзе выпушчана ў абарачэнне трэжэрыс на каласальную суму 501 мільярд даляраў: 114 мільярдаў у кастрычніку 243 мільярда ў лістападзе і 144 мільярда ў снежні.

Са слоў экспэрта, гэта прывядзе да адтоку з фінансавага рынку паўтрыльёна даляраў наяўнасці, што можа прывесці да выбуховага росту курсу даляра ЗША.

У гэты ж час ад аблігацый, якія знаходзяцца на балансе ФРС, выкупленых у рамках праграмы колькаснага змякчэння з 2009-га да 2014-ы, рэгулятар плануе пачаць пазбаўляцца прыкладна ў той жа час.

- Там аб'ём ацэньваецца прыкладна ў 4,5 трыльёна даляраў ЗША. Праўда, памяншэнне аб'ёму балансу ФРС будзе доўжыцца значна даўжэй і можа расцягнуцца на два-тры гады, але сукупнасць гэтых двух праграм можа прывесці да істотнага росту курсу даляра да канца года, - прагназуе Грачоў.