Гідрамет: Заўтра будзе спёка да 31 градуса

Гарачае надвор'е з кароткачасовымі дажджамі чакаецца 17 жніўня.

Заўтра ў Беларусі чакаецца пераменная воблачнасць. На большай частцы тэрыторыі краіны пройдуць кароткачасовыя дажджы, у асобных раёнах магчымы навальніцы. Вецер прагназуецца паўднёва-ўсходні, паўднёвы 3-8 м/с, пры навальніцах з парывамі да 14 м/с.

Тэмпература паветра ўначы складзе 13-19 градусаў вышэй за нуль. Удзень будзе 23-29 градусаў цяпла, на поўдні - плюс 30-31 градус, паведамляе pogoda.by.