Не стала вядомай актрысы Веры Глаголевай
27- 16.08.2017, 16:08
- 74,386
Актрыса і рэжысёрка памерла ў ЗША на 62-м годзе жыцця.
Расейская актрыса і рэжысёрка Вера Глаголева памерла ў ЗША. Пра гэта паведамляюць РІА «Новости» са спасылкай на акторку Ларысу Гузееву і ТАСС са спасылкай на некалькі крыніц у кінематаграфічных колах.
«Так, гэта, на жаль, праўда», - сказаў суразмоўца ТАСС.
Пра смерць Глаголевай паведамляе таксама «Московский комсомолец» са спасылкай на блізкую да сям'і актрысы крыніцу. Са слоў суразмоўцы МК, яна магла памерці ад анкалагічнага захворвання.
У Саюзе кінематаграфістаў і ў Гільдыі актораў Расеі пакуль не пракаментавалі гэтую інфармацыю.
Вера Глаголева нарадзілася ў Маскве 31 студзеня 1956 года. Яна сыграла амаль у 50 кінастужках, у тым ліку ў такіх фільмах як «Шчыра Ваш...» (1985), «Прышлыя з нябёс» (1986), «Бедная Саша» (1997), тэлесерыяле «Марасейка, 12» (2000 ) і іншых.