ЗША абвясцілі новы распродаж стратэгічнай нафты

На продаж будзе выстаўлена 14 млн барэляў з рэзервуараў у Тэхасе і Луізіяне.

ЗША нарошчваюць распродаж нафты са стратэгічнага рэзерву. У найбліжэйшыя два тыдні амерыканскае Мінэнерга мае намер правесці трэці сёлета аўкцыён рэалізацыі «чорнага золата», назапашанага ў дзяржаўных сховішчах.

На продаж будзе выстаўлена 14 млн барэляў з рэзервуараў у Тэхасе і Луізіяне, паведаміла ведамства ў рэлізе. Аб'ём распродажу вырасце ў 1,5 разы ў параўнанні з папярэднім аўкцыёнам, які праходзіў у сакавіку.

Тады Мінэнэрга прадало 10 млн барэляў. Першая порцыя, рэалізаваная ў лютым, складала 6,2 млн барэляў. Сыравіну купілі брытана-галандская Shell і амерыканская Phillips 66. Усяго ж для ўдзелу ў аўкцыёнах акрэдытаваныя 20 кампаній.

Новая ўгода адбудзецца ў канцы жніўня і стане апошняй у 2017 годзе. Атрыманыя ад продажу нафты сродкі будуць залічаны на рахунак Казначэйства ЗША, а адтуль пойдуць на фінансаванне інавацыйных праектаў Нацыянальнага інстытута аховы здароўя (National Institutes of Health) і мадэрнізацыю нафтасховішчаў.

Распродаж стратэгічнай нафты ініцыяваў сваім указам ў 2016 годзе экс-прэзідэнт Штатаў Барак Абама. Да 2025 года Мінэнэрга маюць намер прадасць 190 млн барэляў, або траціну ўсіх назапашаных рэзерваў.

У 2018-м годзе аб'ёмы рэалізацыі павялічаць да 25 млн барэляў. Максімальны аб'ём продажаў - па 35 млн барэляў у год - запланаваны на 2024-25 гг.

Стратэгічны рэзерв нафты быў афіцыйна створаны ў ЗША ў 1973 годзе - пасля таго, як краіны АПЕК адмовіліся пастаўляць сыравіну ў Штаты, пратэстуючы супраць падтрымкі Вашынгтонам ізраільскай агрэсіі на Блізкім Усходзе. Заяўленай мэтай рэзерву было забеспячэнне 90 дзён аўтаномнага існавання ва ўмовах поўнага прыпынку імпарту.

Закупкі нафты ў рэзерв пачаліся ў 1977-м годзе. Асноўная частка (511 барэляў) была сабрана да 1986 году. З сярэдзіны 1980-х па пачатак 2000-х рэзерв не папаўняўся. Новая порцыя закупак (больш за 140 млн барэляў) была ажыццёўленая ў 2000-х пасля прыходу да ўлады стаўленіка нафтавага лобі Джорджа Буша малодшага.

Найбуйнейшы продаж нафты з рэзерву (30 млн барэляў) ЗША правялі ў 1991-м годзе, калі вайна ў Кувейце абарвала пастаўкі на сусветны рынак.

На 8 жніўня ў рэзерве было 678,1 барэляў.