Том Круз зламаў шчыкалатку на здымках «Місія невыканальная»

Актор, паводле сцэнару, скакаў па дахах лонданскіх хмарачосаў.

Амерыканскі актор Том Круз зламаў шчыкалатку, скачучы па дахах лонданскіх хмарачосаў на здымках шостага фільма «Місія невыканальная».

У мінулыя выходныя Круз выконваў чарговы трук, але трохі не даляцеў і ўрэзаўся ў сцяну, паведамляе ВВС.

Аматарскае відэа перапыненага палёту зоркі з'явілася ў нядзелю. Пазней заўважылі, што Круз накульгвае.

У сераду Paramount Pictures пацвердзіла, што 55-гадовы Круз, які часта пагарджае паслугамі каскадзёраў, на час выбыў з ладу.

«Падчас здымак чарговага фільма «Місія невыканальная» Том Круз зламаў шчыкалатку, выконваючы трук», - паведаміла кінастудыя. - «Здымкі перапыненыя да поўнага аднаўлення Тома, а тэрміны выхаду стужкі на экраны застаюцца ранейшымі: 27 ліпеня 2018 года. Том дзякуе ўсім за клопат і з нецярпеннем чакае магчымасці падзяліць з вамі радасцю ад фільма наступным летам».

У папярэдняй серыі «Місіі», якую здымаў той жа рэжысёр Крыстафер МакКуоры, Круз сам выканаў большасць трукаў, у тым ліку, узняўся ў неба, зачапіўшыся за борт самалёта.

Актор прызнаваўся, што ноч перад здымкамі не спаў, а выканаць трук было складаней, чым ён думаў.