У цэнтры Барсэлоны мікрааўтобус уехаў у натоўп
11- 17.08.2017, 19:48
- 26,680
Паліцыя места афіцыйна прызнала здарэнне за тэракт.
У цэнтры Барсэлоны на пешаходнай вуліцы Рамбла ў натоўп людзей уехаў мікрааўтобус, паведамляе выданне 20 minutos са спасылкай на інфармацыю мясцовай паліцыі. У выніку здарэння, паводле звестак выдання El Pais, загінуў, сама менш адзін чалавек, яшчэ 20 - атрымалі раны, паведамляе РБК.
Месца, на якім адбыўся інцыдэнт, удакладняецца ў Twitter мясцовых аварыйных службаў, ачэпленае. Людзям раяць унікаць гэтага абшару. Супрацоўнікі аварыйных службаў таксама папрасілі ўлады Каталоніі замкнуць найбліжэйшыя да месца здарэння станцыі метро і грамадскага транспарту. Пазней у сувязі з падзеямі ў Барсэлоне замкнуліся ўсе станцыі метро. Паліцыя места афіцыйна прызнала здарэнне за тэракт.
Estampida ahora mismo en El Corte Inglés de Plaza Catalunya en Barcelona pic.twitter.com/72LLRmJjRk
— Jordi Perez Colome (@jordipc) 17 августа 2017 г.
Акрамя таго, пасля інцыдэнту, як паведамляе TV3, у адну з рэстарацый горада ўварваліся два ўзброеныя мужчыны. Паводле інфармацыі крыніц тэлеканала, яны забарыкадаваліся ў памяшканні. Паводле папярэдніх звестак, менавіта яны былі датычныя да аварыі на вуліцы Рамбла. Таксама страляніна адбылася на рынку Бакерыя, адзначае El Periodico.
DIRECTO| Ha habido un tiroteo en el mercado de la Boquería https://t.co/BctLopLm3p #atropello #Barcelona pic.twitter.com/Ue9quYInyU
— El Periódico (@elperiodico) 17 августа 2017 г.
Кіроўца мікрааўтобуса, які ўехаў у натоўп, удакладняе выданне Efe, выйшаў з аўтамабіля і ўцёк з месца здарэння. Паводле відавочцаў, піша El Pais, фургон збочыў на пешаходную вуліцу ў час, калі людзі пераходзілі дарогу на святлафоры. Цяпер, як растлумачылі афіцыйныя крыніцы выдання ў праваахоўных органах, паліцыя пачала аперацыю злову зламысніка.
Амбасада Беларусі ў Гішпаніі ўдакладняе, ці ёсць сярод пацярпелых у Барсэлоне беларусы.
