Як кіроўца BMW не саступаў дарогу «Майбаху» Лукашэнкі
49- 19.08.2017, 9:02
- 199,711
Ахова відавочна не чакала такога развіцця падзей.
У інтэрнэце з'явілася відэа, на якім серабрысты «БМВ» не саступае дарогу картэжу Аляксандра Лукашэнкі ў Менску.
Яго размясціў на сваёй старонцы ў Фэйсбуку беларускі незалежны тэлеканал «Белсат».
«Майбах» дыктатара ў суправаджэнні аўто аховы спрабуе паскорыцца на загружаным праспекце Пераможцаў, пераязджаючы ў крайнюю левую паласу перад скрыжаваннем з праспектам Машэрава. Але адзін кіроўца - ці з няўважлівасці, ці адмыслова - не прапускае картэж. Ён ігнаруе сігналы аўто суправаджэння і ў рэшце вымушае ахову сарвацца на крык.
Заўважым, што на аўто Лукашэнкі няма сцяжка - значыць, аўтамабіль проста пераганялі з месца на месца.
Відэа, мяркуючы з расліннасці на вуліцы, не зусім свежае - магчыма, вясновае.