Названыя краіны з самым хуткім інтэрнэтам
11- 22.08.2017, 18:30
- 22,530
Беларусь аказалася на 52-м радку.
Сэрвіс і дадатак Speedtest з'яўляюцца найбольш папулярным спосабам вызначэння рэальнай хуткасці злучэння з інтэрнэтам. Штодня імі карыстаюцца сотні тысяч карыстальнікаў, дазваляючы распрацоўшчыкам збіраць статыстыку пра стан мабільнага і праваднога сеціва ва ўсім свеце, піша lifehacker.ru.
На падставе атрыманых звестак Speedtest перыядычна публікуе спісы краін з самым хуткім падключэннем да Сеціва. Рэйтынгі гэтыя не толькі цікавыя, але і карысныя. Напрыклад, калі вы аддалены работнік і плануеце падарожжа, то будзеце ведаць, што ў Вугоршчыне можна разлічваць на якасны мабільны інтэрнэт, а, напрыклад, Літва з'яўляецца адным з лідараў у хуткасці праваднога доступу.
Краіны з самым якасным мабільным пакрыццём:
1. Нарвегія (52,59 Мбіт/с).
2. Нідэрланды (46,94 Мбіт/с).
3. Вугоршчына (46,24 Мбіт/с).
4. Сінгапур (45,99 Мбіт/с).
5. Мальта (44,84 Мбіт/с).
6. Аўстралія (44,64 Мбіт/с).
7. ААЭ (43,98 Мбіт/с).
8. Паўднёвая Карэя (42,09 Мбіт/с).
9. Бельгія (37,81 Мбіт/с).
10. Ісландыя (36,84 Мбіт/с).
Беларусь аказалася ў гэтым рэйтынгу на 69-м радку (15,80 Мбіт/с), Расея - на 72-й (15,60 Мбіт/с), а Украіна - на 109-м (8,46 Мбіт/с).
Краіны з самым хуткім доступам да Сеціва па правадных камунікацыях:
1. Сінгапур (154,38 Мбіт/с).
2. Паўднёвая Карэя (125,69 Мбіт/с).
3. Ганконг (117,21 Мбіт/с).
4. Ісландыя (110,52 Мбіт/с).
5. Румынія (91,48 Мбіт/с).
6. Макаа (80,11 Мбіт/с).
7. Швейцарыя (74,20 Мбіт/с).
8. Швецыя (73,66 Мбіт/с).
9. ЗША (70,75 Мбіт/с).
10. Літва (67,29 Мбіт/с).
Украіна заняла 39-е месца (34,20 Мбіт/с), Расея - 40-е (34,02 Мбіт/с), а Беларусь - 52-е (24,67 Мбіт/с).