Сусветная кампанія салідарнасці з прафзвязам РЭП нарастае

Больш за 2900 чалавек з 98 краін пакінулі подпіс пад зваротам да ўладаў Беларусі.

Працягваецца міжнародная кампанія салідарнасці з прафзвязам РЭП: больш за 2900 чалавек з 98 краін пакінулі подпіс пад зваротам да ўладаў Беларусі. Шмат падпісантаў з ЗША, Нямеччыны, Францыі, Бельгіі, Вялікабрытаніі, Канады, Аўстраліі; сустракаюцца і подпісы з Сьера-Леонэ, Трынідада і Табага, Вануату, Джыбуці, Рэюньёна, Непала і нават адзін подпіс з Ватыкана. Збор подпісаў працягваецца, паведамляе praca-by.

Кампанія распачатая на ініцыятыву Міжнароднай канфедэрацыі прафзвязаў і Глабальнага прафзвязу IndustryAll.

Зварот размяшчаецца на сайце labourstartcampaigns.net, і падпісаць яго можа любы ахвочы: як лідары, так і шараговыя сябры прафзвязаў з розных краін свету. Ліст пасля падпісання адпраўляецца ў адміністрацыю Лукашэнкі, у МЗС і пракуратуру Беларусі.

Генадзь Фядыніч, лідар незалежнага прафзвязу РЭП, пракаментаваў кампанію салідарнасці.

- Учора і сёння адміністрацыя кіраўніка, МЗС, пракуратура Беларусі атрымлівае мноства лістоў з усяго свету з патрабаваннем спыніць пераслед незалежных прафзвязаў. Ці ёсць сэнс у кампаніі салідарнасці, калі нашы дзяржаўныя органы не выдаюць ніякай рэакцыі на гэтыя лісты?

- Сэнс любой кампаніі салідарнасці - гэта ўключэнне ў яе прафзвязаў усяго свету. Гэтыя лісты кажуць пра галоўнае: нашы калегі за мяжой разумеюць, што сёння здарылася ў Беларусі. У свой час і РЭП удзельнічаў у міжнародных кампаніях. Акцыя салідарнасці - гэта нармальная праца сяброўскіх арганізацый IndustryAll. Пазіцыя прафзвязаў вельмі важная: прафзвязы данясуць свой пункт гледжання да ўладаў. Урады павінны будуць адрэагаваць на гэтыя заявы, таму што праігнараваць меркаванне прафзвязаў немагчыма.

- У Беларусі незалежныя прафзвязы не знаходзяцца ў адкрытым дыялогу з уладай. Якая сітуацыя ў іншых краінах?

- Немагчыма сабе ўявіць, каб да прафзвязу IG Metall не прыслухалася ўрад Нямеччыны: гэта самы буйны прафзвяз іх краіны, які валодае вагой, як і прафзвязы ў іншых еўрапейскіх краінах.

- Наколькі добра старшыня Глабальнага прафзвязу IndustryAll Вальтэр Санчэс знаёмы з сітуацыяй у Беларусі?

- Вальтэр Санчэс - прафзвязнік, не службовец ад прафзвязу; ён цалкам адэкватна ацэньвае тыя ўмовы, у якіх даводзіцца дзейнічаць незалежным прафзвязам, таму што ведае пра гэта не з пагалосак.

- Якія яшчэ дзеянні, апроч напісання адкрытага ліста, могуць распачаць кіраўнікі IndustryAll і Міжнароднай канфедэрацыі прафзвязаў?

- Найбліжэйшым часам яны будуць сустракацца з міжнароднымі арганізацыямі і казаць пра 87 Канвенцыю МАП і пра парушэнні правоў прафзвязаў у Беларусі; і, вядома, патрабаваць адпаведнай рэакцыі.