Як у выніку падаражэюць камунальные паслугі

Што будзе ў рахунку стандартнай беларускай сям'і.

Зусім хутка амаль усе тарыфы на жыллёва-камунальныя паслугі для насельніцтва дасягнуць 100%, піша kp.by.

Да канца 2017 года ў Беларусі двойчы павысяць тарыфы на жыллёва-камунальныя паслугі - з 1 верасня і з 1 снежня. У выніку з верасня камунальных паслуг вырасце на 8%, а са снежня - на 10%. Пра гэта ў эфіры тэлеканала СТВ распавёў намеснік міністра антыманапольнага рэгулявання і гандлю Іван Вежнавец.

- Спажыўцы з 1 верасня гэтага года заплацяць на 8% больш за камунальныя паслугі. Але яшчэ раз звярну ўвагу, што гэтая індэксацыя або гэты рост абумоўлены ростам даходаў насельніцтва, як гэта і прадугледжана дзейным заканадаўствам і той практыкай, якая склалася ўжо на працягу некалькіх гадоў. З 1 снежня мы плануем - ізноў жа зыходзячы з росту заробку, які будзе адбывацца, - мы ацэньваем, што рост індэксацыі складзе блізу 10%. Адпаведным чынам падвысяцца і тарыфы для насельніцтва.

Нагадаем, што індэксацыя тарыфаў адбываецца кожны год, раз у квартал. Прычым падымаць тарыфы магчыма на столькі, на колькі вырас заробак ў працэнтах. Мяркуючы з ўсяго, чыноўнікі ўпэўненыя ў тым, што і ў наступным квартале заробак беларусаў падвысіцца. Са слоў намесніка міністра, з 1 студзеня 2018 года таксама адбудзецца традыцыйнае павышэнне камуналкі на 5 даляраў. З улікам гэтых трох будучых павышэнняў улады плануюць, што камуналку мы будзем аплачваць з 1 студзеня 2018 гадоў сумаю 100%.

Мінус ацяпленне

З ільготнымі тарыфамі нам сапраўды давядзецца развітацца. З усімі - за выключэннем ацяплення.

Ацяпленне - паслуга вельмі дарагая і яе рэзкае павышэнне, палічылі ўлады, адчувальна ўдарыць па кішэнях беларусаў. Цяпер мы аплачваем паслугі ЖКГ на 65% - гэта па ўсіх тарыфах разам узятых. З 1 студзеня з улікам ільготных тарыфаў на ацяпленне мы будзем аплачваць камунальныя паслугі толькі на 74,8%. Лічбы, якіх не стае да 100%, і ёсць нашае дарагое ацяпленне.

Планы ў чыноўнікаў такія: да канца 2018 года мы будзем кампенсаваць 85% ад кошту паслуг ЖКГ, да 2020 года - 93,3%. А 100% па ўсіх тарыфах, пра якія так шмат гаворыцца, дасягнём толькі ў 2025 годзе.

Што будзе з тарыфамі

Газеце «Звязда» Іван Вежнавец расказаў больш падрабязна пра тое, як падвысяцца тарыфы на паслугі ЖКГ. Так, каналізацыя падаражэе на 48,5%, водазабеспячэнне на 27,7%, вываз смецця - на 19%.

Праўда, у панядзелак у міністэрстве антыманапольнага рэгулявання і гандлю сказалі, што тарыфы на паслугі ЖКГ пакуль да канца не зацверджаныя.

- Цяпер распрацоўваецца тарыфная палітыка на 2018 год. Магчыма, працягнуць тэрмін, за які мы павінны дасягнуць стоадсоткавай аплаты тарыфаў, - распавялі «Комсомолке» ў прэс-службе міністэрства.

Як падаражэе квітанцыя для стандартнай сям'і?

Калі чыноўнікі стрымаюць абяцанне, і тарыфы на камуналку ўсё ж такі дасягнуты 100% з 1 студзеня 2018 года, то квітанцыі беларусаў падаражэюць значна. Такім чынам, колькі мы будзем плаціць з 1 студзеня? Для прыкладу за двухпакаёвую кватэру плошчай 48 кв.м., у якой пражывае тры чалавекі па цяперашніх тарыфах з улікам радка ацяплення камуналка ў ацяпляльны сезон складае 73 рублі 25 капеек. Калі палічыць квітанцыю па цяперашніх стопрацэнтных тарыфах, то выходзіць сума 93 рублі 78 капеек з улікам ільготнага тарыфу на ацяпленне.

Усё больш грошай з даходаў мы аддаём за камунальныя паслугі

Паводле звестак Белстата, летась беларуская сям'я выдаткоўвала ў сярэднім 7,1% ад агульных даходаў на аплату жыллёва-камунальных паслуг. Самы вялікі артыкул выдаткаў па-ранейшаму складаюць прадукты харчавання - 39%. Дарэчы, з кожным годам выдаткі на камунальныя паслугі ў нас растуць. Так, у 2015 годзе мы трацілі 6% ад усіх даходаў, а ў 2014-м - 5,3%. Менш за ўсё сыходзіла ў 2012 годзе - 4,1% ад даходаў.

У старых дамах хочуць усталяваць сістэмы рэгулявання цяпла

Каб знізіць выдаткі на вытворчасць цеплавой энэргіі, у Беларусі распрацоўваецца сістэма рэгулявання ацяплення ў старых дамах. Спецыялісты разлічваюць, што тэмпературу ў батарэях можна будзе змяняць з дапамогай кранаў, якія ўладальнікі кватэр будуць ўсталёўваць на трубы за свой кошт.

- Пры гэтым электронныя рэгулятары будуць займацца з'ёмам цеплавой энэргіі з кожнай цеплакрыніцы, - растлумачыў Аляксандр Церахаў, міністр жыллёва-камунальнай гаспадаркі.

Каб цеплавая мадэрнізацыя праходзіла хутчэй, беларусаў будуць актыўна прыцягваць да ўстаноўкі лічыльнікаў цяпла.

- У першую чаргу гэта звязана з укараненнем індывідуальных прыбораў уліку цеплавой энэргіі. Такія магчымасці ёсць. Цяпер мы распрацоўваем праект нарматыўнага прававога акта, які накіраваны на стымуляванне грамадзян да эканомнага расходавання цеплавой энэргіі, - распавёў Аляксандр Церахаў.