«Хартыя-97» дапамагла рабочым менскага СУ-25 вярнуць свае грошы
- 21.09.2017, 15:52
- 13,486
Дзякуючы публікацыі на сайце, будаўнікі атрымалі свае камандзіровачныя.
12 верасня на сайце сharter97.org быў апублікаваны ліст нашага чытача, падставай для якога стала нявыплата заробкаў і камандзіровачных выдаткаў. Чытач распавёў пра «камандзіроўкі» ў Расею за $11 на дзень. Гісторыя атрымала розгалас і сёння мы атрымалі ліст чытача з удзячнасцю за публікацыю:
- Дзякуючы публікацыі Вамі нашага ліста, СУ-25, адзінае з усіх СУ «Мінскпрамбуд», выплацілі заробкі працоўным і камандзіровачныя за ліпень і жнівень. Гэта адбылося літаральна цягам тыдня. Камандзіровачныя выплацілі па 11 даляраў ЗША за дзень знаходжання ў Расеі, пры пакладзеных 30 далярах ЗША на дзень. Над гэтым пытаннем яшчэ працуюць Менгарвыканкам і Менсацзабеспячэнне – праўда, ужо месяц безвынікова.
Дзякуй за дапамогу!