У Растове-на-Доне загарэўся дзесяціпавярховы гатэль
7- 21.09.2017, 19:10
- 16,319
Гэта ўжо трэці буйны пажар у Растове-на-Доне за апошні час.
Сёння блізу 14 гадзін у цэнтры Растова-на-Доне ў 10-павярховым будынку гатэля адбыўся моцны пажар, паведамляе Галоўнае ўпраўленне МНС Расеі.
Паводле паведамленняў ТАСС, ахвярамі пажару сталі два чалавекі: мужчына трыццаці гадоў і жанчына. Абодва яны працавалі ў адміністрацыі гатэлі. Пажару быў прысвоены трэці клас складанасці, плошча ўзгарання склала 840 кв. м. Агонь пашкодзіў легкавыя аўтамабілі, што стаялі побач з гатэлем. Цяпер пажар удалося лакалізаваць, у раёне ўзгарання ўведзены рэжым надзвычайнай сітуацыі.
У МНС не выключаюць, што адной з ахвяраў стаў адміністратар гатэлю. Адзначаецца, што ўзгаранне ўжо лакалізаванае. Пры гэтым плошча пажару - 840 квадратных метраў.
Для тушэння пажару ад МНС прыцягнуты 50 чалавек асабовага складу, 19 адзінак тэхнікі. З гатэля, суседніх дамоў і дзіцячага садка эвакуіраваны больш за 400 чалавек, у тым ліку 61 дзіця, піша РІА «Новости».
Карэспандэнт ТАСС з месца падзей паведамляе, што пацярпелі сем прыпаркаваных побач з гатэлямі машын, згарэлі тры аўтамабілі, чатыры пашкоджаныя.
Пажар таксама закрануў дах і гарышчы Данскага дзяржаўнага казацкага інстытута харчовых тэхналогій і бізнэсу, заявіла дырэктарка інстытута Наталля Рыжкова.
- У нас трохі закранула дах, у трох месцах было ўзгаранне, але пажарныя хутка выявілі і патушылі, пажару ў нас не адбылося. Будынак моцна задымлены, але ўсіх паспелі эвакуіраваць, - удакладніла Рыжкова.
Будынак абгарэў цалкам, практычна знішчаны дах, цяпер яе актыўна заліваюць трыма гідрантамі.
Гэта ўжо трэці буйны пажар у Растове-на-Доне за апошні час, піша РІА «Новости». У канцы жніўня моцны пажар узнік у прыватных дамах у раёне Тэатральнага спуску побач з галоўнай плошчай Растова-на-Доне. Агонь пашкодзіў амаль 120 будынкаў, з якіх каля 100 жылых. Па медыцынскую дапамогу звярнуліся 58 чалавек, дзевяць былі шпіталізаваны. Пры разборы завалаў было знойдзена цела мужчыны.
Напярэдадні агонь ахапіў у горадзе тры прыватныя дамы на плошчы 250 квадратных метраў: адзін будынак згарэў цалкам, частковыя пашкоджанні атрымалі прыватны і шматкватэрны дом. Блізу 20 чалавек было эвакуявана, ніхто не пацярпеў.