Кіраўнік Міністэрства абароны Латвіі: На вучэннях «Захад-2017» адпрацоўвалася блакада Балтыйскага рэгіёна
- 21.09.2017, 19:58
- 9,052
У Міністэрстве абароны Латвіі будуць праводзіць дэталёвы аналіз сумесных вайсковых вучэнняў РФ і Беларусі.
У Міністэрстве абароны Латвіі будуць праводзіць дэталёвы аналіз сумесных вайсковых вучэнняў Расеі і Беларусі «Захад-2017», аднак многія прыёмы, выкарыстаныя падчас манеўраў, сведчаць пра тое, што разыгрываўся сцэнар ізаляцыі Балтыйскага рэгіёну, заявіў агенцтву BNS латвійскі міністр абароны Райманд Бергманіс, паведамляе interfax.by.
«Ацэньваючы агульную карціну, па-мойму, адпрацоўваліся шматлікія элементы блакады Балтыйскага рэгіёну», - заявіў міністр.
З ягоных слоў, хоць галоўная фаза вучэнняў завяршылася ў мінулую сераду, актыўнасць узброеных сіл Расеі нікуды не дзенецца. «Цяпер трэба сачыць за тым, як будзе выконвацца сказанае Лукашэнкам, што да 30-га чысла ўсе падраздзяленні расейскіх Узброеных сіл павінны пакінуць тэрыторыю рэспублікі», - дадаў міністр.
Бергманіс адзначыў, што вялікая ўвага была прыцягнутая да саміх вучэнняў, аднак больш важна, што адбывалася да і пасля іх.