Расеі пагражаюць новыя санкцыі за гандаль з КНДР

ЗША збіраецца адрэзаць Пхеньян ад крыніц даходу.

Прэзідэнт ЗША Дональд Трамп падпісаў указ, які пашырае паўнамоцтвы амерыканскага Мінфіна для ўвядзенні новых санкцый супраць КНДР і тых, хто надае Пхеньяну дапамогу ў розных галінах эканомікі, напрыклад, у гандлёвым і фінансавым сектарах, піша сайт Guidhall.

«Паўночнай Карэі занадта доўга дазвалялася злоўжываць міжнароднай фінансавай сістэмай з мэтай атрымання дапамогі ў справе фінансавання сваіх праграм для распрацоўкі ядзернай зброі і балістычных ракет», - заявіў Трамп.

Ён дадаў, што мэта ўказа - «адрэзаць крыніцы даходу», дзякуючы якім Пхеньян атрымлівае сродкі на распрацоўку «самых смяротных узбраенняў з усіх, што вядомыя чалавецтву».

Як адзначаецца ў распаўсюджанай Белым домам дакументацыі, новыя санкцыі могуць закрануць кожнага, хто вядзе гандаль з КНДР, пастаўляе туды тэхналогіі або надае якія-небудзь паслугі. Мінфін атрымае права ўводзіць абмежаванні супраць партнёраў Пхеньяна ў многіх іншых сферах. Гэтыя захады таксама закліканыя парушыць паштовыя і грузавыя сувязі КНДР з іншымі краінамі.

Кіраўнік фінансавага міністэрства цяпер таксама можа «блакаваць усякія грашовыя сродкі, якія паступаюць і праходзіць праз [банкаўскія] рахункі, звязаныя з Паўночнай Карэяй і знаходзяцца ў Злучаных Штатах або належаць грамадзянам ЗША». Пастанова таксама дае паўнамоцтвы міністру фінансаў ЗША - пасля кансультацый з дзяржсакратаром - уводзіць абмежаванні ў дачыненні да асобаў, звязаных з прамысловасцю, транспартнай галіной або занятых імпартам або экспартам у КНДР. Уводзіцца 180-дзённая забарона на наведванне ЗША самалётамі і суднамі, якія пабывалі на тэрыторыі КНДР.

Трамп падкрэсліў, што пастанова «дазволіць Міністэрству фінансаў на сваё меркаванне ўводзіць санкцыі супраць усякага замежнага банка, які свядома праводзіць або садзейнічае значным гандлёвым угодам з Паўночнай Карэяй». «Замежныя банкі сутыкнуцца з відавочным выбарам: весці бізнэс са Злучанымі Штатамі або садзейнічаць гандлю з рэжымам-парушальнікам закона [лідара Кім Чэн Ына] у Паўночнай Карэі, - указаў амерыканскі лідар. - Рэжым больш не можа разлічваць на тое, што іншыя будуць спрыяць яго гандлёвай і банкаўскай дзейнасці. Рэжым ужо не можа разлічваць на садзейнічанне ў справе правядзення сваіх гандлёвых і банкаўскіх аперацый».

Паводле звестак Белага дома, адной з краін, якая прадаўжае гандляваць з Пхеньянам насуперак забароне, застаецца Расея - як мінімум восем гружаных дызельным палівам танкераў, якія сёлета адплылі з РФ, адправіліся ў КНДР, паведаміла Reuters са спасылкай на амерыканскіх чыноўнікаў.

З іх слоў, у першапачаткова аформленых дакладных атрымальнікам грузу, як правіла, значацца іншыя краіны, але выйшаўшы з порта, судна змяняе кірунак руху.

«Паўночная Карэя выкарыстоўвае падманныя дзеянні, каб утаіць сапраўднае паходжанне гэтых тавараў. Было выяўлена, што Пхеньян рэгулярна скажае ідэнтыфікацыйныя абазначэнні і дакументацыю суднаў», - заявіў памочнік міністра фінансаў ЗША Маршал С. Білінгслі.

1 чэрвеня Мінфінансаў Штатаў унесла ў «чорны спіс» за гандаль з КНДР «Незалежную нафтавую кампанію» (ННК), якая належыць былому прэзідэнту «Раснафты» Эдуарду Худайнатаву.