Пратэсты пад Светлагорскам працягваюцца трэці тыдзень

Жыхары Якімавай Слабады трэці тыдзень пратэстуюць супраць цэлюлознага завода.

Сёння распачаліся грамадскія слуханні вакол праблемы, паведамляе «Белсат».

25 снежня жыхары вёскі Якімава Слабада выйшлі на пратэст з патрабаваннем развязаць праблему з «смярдзючым заводам»: вяскоўцы скардзяцца на непрыемны пах, які ідзе з завода беленай цэлюлозы, які быў нядаўна тут пабудаваны.

Супольны беларуска-кітайскі праект каштаваў сотні мільёнаў даляраў, але запрацаваў таемна, без помпы ў канцы мінулага года.

Людзі кажуць пра боль у горле і кашаль. У некаторых ідзе нават кроў з носа. Жыхары патрабуюць забяспечыць пастаянны экалагічны кантроль за прадпрыемствам і мінімізаваць шкодныя выкіды.

Сёння ў вёсцы пачалося грамадскае абмеркаванне праблемаў, якія выклікае прадпрыемства. Стрым з залы пасяджэння рабіла журналістка Ларыса Шчыракова.