29 сакавiка 2024, Пятніца, 11:37
Падтрымайце
сайт
Сім сім,
Хартыя 97!
Рубрыкі

Расейскія алігархі напружыліся ў чаканні амэрыканскага дакладу

9
Расейскія алігархі напружыліся ў чаканні амэрыканскага дакладу

Мінфін ЗША заканчвае працу над сваім першым афіцыйным спісам «алігархаў», блізкіх да ўладара РФ.

"Міністэрства фінансаў ЗША заканчвае працу над сваім першым афіцыйным спісам "алігархаў", блізкіх да ўрада прэзідэнта Пуціна, і гэта падштурхоўвае багатых расейцаў да ліхаманкавых спроб засцерагчы свае капіталы і рэпутацыю", - сцвярджае журналістка Bloomberg (пераклад - inopressa.ru) Салеха Мохсін.

"Са слоў дзвюх інфармаваных крыніц, некаторыя асобы, якія мяркуюць, што з вялікай імавернасцю могуць апынуцца ў спісе, правялі "стрэс-тэсты", каб высветліць патэнцыйныя наступствы для сваіх інвестыцый. Іншыя, як кажуць іхнія амэрыканскія кансультанты, спрадаюць свае актывы. Расейскія бізнэсоўцы звярнуліся да былых чыноўнікаў Мінфіна і Дзяржаўнага дэпартамента, якія маюць досвед працы з санкцыямі, каб гэтыя чыноўнікі дапамаглі ім унікнуць унясення ў спіс, сказаў экс-супрацоўнік Дзяржаўнага дэпартамента Дэн Фрыд, які заявіў, што адхіліў такія прапановы. Адзін чалавек, з якім былі кантакты, сказаў, што некаторыя расейцы даслалі ў Вашынгтон сваіх давераных асоб, спрабуючы ўнікнуць пагалоскі аб лабіяванні", - піша выданне.

Апошні тэрмін для складання спісу, прадугледжаны законам, - 29 студзеня гэтага года.

"Гэта больш нізкая ступень у параўнанні з санкцыямі, бо актывы не блакуюцца, але на рэпутацыю гэта дзейнічае сапраўды гэтак жа, як санкцыі: ты ў спісе асоб, занятых чымсьці нядобрым", - сказаў Эрых Фэрары, заснавальнік кампаніі Ferrari & Associates .

Выданне паведамляе: "Са слоў інфармаванай крыніцы, у Міністэрстве фінансаў ЗША спіс таксама стаў "крыніцай галаўнога болю": некаторыя чыноўнікі асцерагаюцца, што ён будзе аб'яднаны з санкцыямі". Чыноўнікі Мінфіна разглядаюць ідэю засакрэціць некаторыя часткі дакладу і выдаць яго ў форме ліста ад Сігаль Мандэлклер, высокапастаўленай супрацоўніцы міністэрства, каб размежаваць даклад і спісы расейцаў, якія знаходзяцца пад эканамічнымі санкцыямі ЗША, паведаміла крыніца на ўмовах ананімнасці.

"Кангрэс таксама запатрабаваў, каб міністэрства фінансаў прааналізавала ўздзеянне патэнцыйных санкцый на расейскія дзяржаўныя аблігацыі", - піша выданне, адзначаючы: калі ЗША накладуць санкцыі на аблігацыі, гэта стане моцнай плягай для фінансаў Расеі.

Напісаць каментар 9

Таксама сачыце за акаўнтамі Charter97.org у сацыяльных сетках