Фотафакт: У Нямеччыне беларускі дальнабойнік не заўважыў «хвост» корка
12- 8.01.2018, 21:00
- 43,609
ДТЗ адбылося сёння раніцай побач з Гановерам.
Смяротнае ДТЗ адбылося сёння раніцай на трасе А2 побач з Гановерам, паведамляе «Онлайнер». Навіна пацвярджаецца на сайце мясцовай паліцыі. На фота відаць два пашкоджаныя аўтацягнікі. Адзін з іх – Scania – у размалёўцы беларускай транспартнай кампаніі R Group.
Паводле інфармацыі нямецкай паліцыі, ДТЗ адбылося сёння раніцай. 44-гадовы кіроўца Scania з паўпрычэпам, накіроўваючыся з Берліна ў Гановер, не заўважыў «хвост» корка і сутыкнуўся з аўтацягніком DAF, які стаяў. Паводле нашай інфармацыі, за рулём Scania знаходзіўся беларус. Ён памёр на месцы здарэння. Кіроўца DAF адвезены ў лякарню.
Рух не трасе быў закрыты на 4 гадзіны. Паліцыя шукае сведак. Папярэдняе пашкоджанне ад ДТЗ нямецкія органы правапарадку ацанілі на 300 тысячаў еўраў.