Інфляцыя ў Венесуэле паводле вынікаў 2017 года перасягнула 2600%

У МВФ мяркуюць, што ў 2018 годзе рост спажывецкіх коштаў у краіне складзе 2349,3%.

Інфляцыя паводле вынікаў 2017 года ў Венесуэле дасягнула 2616%. Такія звесткі апублікаваў у панядзелак камітэт фінансаў Нацыянальнай асамблеі (аднапалатнага парламента), якая знаходзіцца пад кантролем апазіцыі, паведамляе ghall.com.ua.

«У снежні рост коштаў склаў 85%, а назапашаная інфляцыя – 2616%», – прыводзіць заяву чальца камітэта Рафаэля Гусмана Twitter заканадаўчага органа. Дэпутат адзначыў, што Венесуэла апынулася «адзінай краінай у свеце», дзе назіраецца гіперінфляцыя.

У 2017 годзе венесуэльскі ўрад на чале з прэзідэнтам Нікаласам Мадурам пяць разоў падвышаў мінімальны заробак у краіне. З 1 студзеня гэтага года ён зноў быў павялічаны, з 177,5 тыс. да 248,5 тыс. балівараў. Згодна з вызначаным дзяржавай курсам, $ 1 каштуе 10 балівараў, аднак на чорным рынку за даляр просяць больш за 111 тыс. балівараў.

Цягам апошніх гадоў Венесуэла перажывае востры сацыяльна-эканамічны крызіс, які суправаджаецца імклівай інфляцыяй і абясцэньваннем нацыянальнай валюты. У Міжнародным валютным фондзе мяркуюць, што у 2018 годзе рост спажывецкіх коштаў у краіне складзе 2349,3%.