29 сакавiка 2024, Пятніца, 12:15
Падтрымайце
сайт
Сім сім,
Хартыя 97!
Рубрыкі

У Берасці затрымалі пратэстоўцаў супраць акумулятарнага завода

4
У Берасці затрымалі пратэстоўцаў супраць акумулятарнага завода
ФОТА: SVABODA.ORG

У панядзелак іх будуць судзіць.

Міліцыянты затрымалі берасцейскіх актывістаў супраць акумулятарнага завода Валерыя Фамінскага і Аляксандра Воблака, паведамляе «Радыё Свабода».

Яны былі выкліканыя ў аддзяленне позвай акурат на час сённяшняй акцыі, якая праходзіла на галоўнай плошчы Берасця. Як распавёў праваабаронца Уладзімір Вялічкін, на Фамінскага і Воблаку склалі пратаколы за ўдзел у масавай акцыі і пакінулі ў ізалятары. У панядзелак іх будуць судзіць.

Нагадаем, акцыі праціўнікаў акумулятарнага завода праходзяць у Берасці кожную нядзелю ўжо некалькі месяцаў.

Апошнія два тыдні пачаліся затрыманні найбольш актыўных пратэстоўцаў і блогераў, якія іх падтрымліваюць.

Пратэстоўцы пад кантролем міліцыі

На акцыі 14 кастрычніка было затрымана паўтара дзясятка чалавек, у тым ліку адзін з лідараў Беларускага Нацыянальнага Кангрэсу Мікалай Статкевіч. Ён быў асуджаны на 5 дзён арышту.

Такі ж тэрмін прысудзілі і блогерам Аляксандру Кабанаву і Сяргею Пятрухіну, якія прыйшлі на плошчу з плакатам супраць завода. Падчас акцыі 21 кастрычніка блогеры знаходзіліся пад арыштам.

Спэцслужбы адсочваюць удзельнікаў акцыі

Апроч іх, 20 кастрычніка быў затрыманы адзін з лідараў пратэсту Дзям'ян Лепясевіч. Міліцыянты забралі яго з двара ўначы, стала вядома, што да панядзелка ён будзе ў аддзяленні, а потым яго будуць судзіць.

Таксама, цягам тыдня некаторыя актывісты атрымалі позвы з патрабаваннем з'явіцца ў міліцыю ў нядзелю, акурат, калі на плошчы праходзіць акцыя.

Напісаць каментар 4

Таксама сачыце за акаўнтамі Charter97.org у сацыяльных сетках