Уладальнік Tesla прыдумаў ідэальную хітрасць, каб ніколі не плаціць за паркоўку

Ідэя спадабалася нават Ілону Маску.

Карыстальнік твітэра Дзі Шон Кэнэдзі паказаў відэа з лайфхакам, які ён выкарыстоўвае, каб не плаціць за паркоўку сваёй Tesla ў цэнтры горада, нават не выходзячы з офіса. Раз на дзве гадзіны ён проста перамяшчае яе з аднаго паркавальнага месца на іншае з дапамогай дадатку. Ілон Маск таксама вельмі здзівіўся, але заадно распавёў, што, у параўнанні з новымі функцыямі Tesla, гэты лайфхак - яшчэ кветачкі, піша medialeaks.ru.

Заснавальнік студыі распрацоўкі SASid Дзі Шон Кэнэдзі жыве ў горадзе Мадзісоне ў штаце Вісконсін і кожны дзень ездзіць на працу ў Джэйнсвіл на сваёй Tesla. З нядаўніх часоў гарадскія ўлады там вызначылі браць плату за паркоўку ў цэнтры больш за дзве гадзіны, але Кэнэдзі прыдумаў геніяльны лайфхак, каб не марнаваць на стаянку ні капейкі, і распавёў пра гэта ў сваім твітэры.

Справа ў тым, што Tesla даўно тэстуе функцыі аўтапілота для свайго аўтамабіля і ўжо цяпер электракары Ілона Маска ўмеюць паркавацца без кіроўцы за стырном, выязджаць з гаража, заязджаць у яго і выключаць рухавік з дапамогай дадаткаў у смартфоне. Дзі Шон, праўда, гэтай функцыяй, што завецца Summon, ніколі не карыстаўся. Да таго дня, пакуль не прыдумаў свой лайфхак.

«Горад пачаў патрабаваць аплату за дзвюхгадзінную паркоўку. Так што цяпер я перамяшчаю сваё аўто кожныя дзве гадзіны...Проста з офіса!»

Твіт Кэнэдзі неўзабаве стаў вірусным, і ў яго ўжо больш за 300 тысяч упадабаек, а каментар пакінуў і сам генеральны дырэктар Tesla Ілон Маск, якому такая прыдумка відавочна прыйшлася па душы.

Пазней Ілон расказаў і пра іншыя магчымасці, якія неўзабаве з'явяцца ва ўладальнікаў Tesla.