У Гародні міліцыянты збілі актывістаў за плакат «Далоў самадзяржаўе»
23- 8.11.2018, 12:50
- 33,027
Аднаго забралі ў ізалятар, другога - у лякарню.
Актывісты Міхаіл Салянік і Аляксандр Лаўрэнцьеў у дзень кастрычніцкай рэвалюцыі выйшлі ў цэнтр Гародні з плакатам «Далоў самадзяржаўе». Яны выбралі яго, бо гэта быў адзін з галоўных лозунгаў у 1917 года, паведамляе «Белсат».
Актывісты планавалі выйсці на плошчу Леніна да мітынгоўцаў, але каля дома іх чакалі міліцыянты. Праваахоўнікі чакалі іх да канца мерапрыемства.
Ужо пасля акцыі Міхаіл Салянік і Аляксандр Лаўрэнцьеў выйшлі на плошчу Леніна са сваім плакатам і прайшліся праз цэнтр.
На вуліцы Савецкай іх затрымала міліцыя. Нягледзячы на тое, што мужчын было двое, супрацоўнікі міліцыі заявілі, што яны ўдзельнічаюць «у несанкцыянаваным мітынгу». Сілком іх забралі ў Ленінскі РАУС.
Як паведаміў гарадзенскі актывіст Сяргей Верамеенка, цяпер Аляксандр Лаўрэнцьеў у ізалятары часовага ўтрымання, а Мікалай Салянік - у лякарні.