Кошт нафты маркі Brent гандлюецца на ўзроўні $62,80

Кошты нафты страцілі рост на прагнозах МЭА.

Кошты нафты страцілі рост на таргах у аўторак, кантракты на WTI перайшлі да зніжэння кошту пасля публікацыі прагнозаў Міжнароднага энэргетычнага агенцтва (МЭА).

Красавіцкія ф'ючэрсы нафты Brent на лонданскай біржы ICE Futures да 21:43 паводле менскага часу гандлююцца на ўзроўні $62,80 за барэль.

МЭА павысіла прагноз росту попыту нафты ў 2018 годзе на 100 тысяч барэляў у дзень (б/д) - да 1,4 мільёна б/д. Тым не менш, тэмпы павышэння попыту будуць ніжэйшыя, чым у 2017 годзе, калі яны склалі больш за 1,6 млн б/д.

Акрамя таго, згодна з прагнозам МЭА, здабыча нафты з краінаў не-АПЕК сёлета перавысіць рост попыту.

Згодна з прагнозам Упраўлення інфармацыі ў галіне энэргетыкі (EIA) міністэрства энэргетыкі ЗША, вытворчасць сланцавай нафты сям'ю найбуйнейшымі кампаніямі краіны ў сакавіку павялічыцца да 6,756 млн барэляў у дзень. Пры гэтым ацэнка вытворчасці ў лютым была перагледжаная да 6,65 млн б/д з ранейшых 6,55 млн б/д, якія чакаліся.