Пра сінагогу ў Слоніме напісала The Guardian
1- 6.02.2018, 21:01
- 13,381
Сінагога ў Слоніме была пабудаваная ў 1642 годзе.
У папулярнай брытанскай газеце The Guardian з'явіўся артыкул «План выратавання сінагог Еўропы атрымлівае гучную падтрымку».
У артыкуле ідзе гаворка пра выратаванне самых каштоўных сінагог Еўропы, якія будуць рэстаўравацца, паведамляе «Радыё Рацыя».
Адной з першых будзе адноўленая сінагога ў Слоніме, пабудаваная ў 1642 годзе.
Дарэчы, як піша The Guardian у Слоніме да Другой сусветнай вайны пражывалі 17 тысяч габрэяў, выжылі толькі 200.
Пасля вайны сінагога ў Слоніме выкарыстоўвалася пад склады, крамы і кавярні.
У 2001 годзе самы стары помнік быў перададзены ва ўласнасць іўдзейскага рэлігійнага аб'яднання ў Рэспубліцы Беларусь. У сінагозе меркавалася адкрыць рэспубліканскі музей габрэйскага мастацтва. Некаторы час яна рэстаўравалася, але рэстаўрацыя даўно спынілася. Сінагога ў цэнтры Слоніма сёння паціху руйнуецца.