19 кастрычнiка 2018, Пятніца, 21:30
Нам патрэбна ваша дапамога
Рубрыкі

Падатковая: Пошук спадарожнікаў у сацсетках – гэта незаконна

130

Інспекцыя ўзялася за тых, хто за невялікую плату падвозіць спадарожнікаў.

Пасля пачатку напружанай сітуацыі з міжгароднімі маршруткамі многія пасажыры сталі актыўна карыстацца групамі ў сацсетках для пошуку спадарожнікаў, піша kp.by.

Напрыклад, калі кіроўца едзе, скажам, з Салігорска ў Менск, ён можа пакінуць аб'яву. Ахвотныя могуць далучыцца да паездкі – як правіла, кошт паліва раскідваецца паміж усімі ўдзельнікамі.

Такім чынам, шматлікія кіроўцы рабілі таннейшай сваю паездку, а пасажыры – хутка і камфортна дабіраліся ў іншы горад. Таксама асаблівай папулярнасцю сталі карыстацца праграмы тыпу BlaBlaCar і BeepCar. Яны таксама створаныя для зручнага пошуку спадарожнікаў.

А нядаўна ў сацсетках пайшлі чуткі: падатковая інспекцыя ўзялася за тых, хто за невялікую плату падвозіць спадарожнікаў. Маўляў, пад выглядам пасажыраў падаткавікі дамаўляюцца пра паездку, а ў момант перадачы грошай затрымліваюць кіроўцу і афармляюць пратакол. Лідскае выданне «Прынёманскія весці» прыводзіць пытанне свайго чытача:

– Езджу з справамі ў сталіцу кожны тыдзень. У групе Вконтакте раней часта кідаў кліч: «Хто на Менск? Забяру ў такі дзень у такі час». Людзі пісалі мне – я падвозіў. Грошы ў кішэню сабе ніколі не клаў. Звычайна рабілі так: ехалі з спадарожнікамі на запраўку і залівалі паліва. Я ні рубля не зарабіў на такіх паездках. А тут днямі даведаўся ад прыяцеля, што яго за такія ж справы ў Лідскую падатковую ўжо выклікалі. Ён, сам таго не ведаючы, узяў падсадных качак – яго вылічылі праз нумар тэлефона. А за што штрафаваць? Я так і не зразумеў. Бізнэс – гэта калі прыбытак ёсць. А тут што?

У падатковай інспекцыі Лідскага раёна выданню адказалі канкрэтна – гэта незаконна! Такі падвоз спадарожнікаў, калі кіроўца і пасажыры, якія сядзяць у аўто, аплачваюць разам паліва, мяркуецца выкананнем прадпрымальніцкай дзейнасці (з боку кіроўцы) і караецца штрафам!