Волкер: Адзінае месца ва Украіне, дзе расейскамоўныя людзі знаходзяцца пад пагрозай - тое, дзе ёсць жаўнеры РФ
1- 13.04.2018, 21:33
- 13,733
Раней паведамлялася, што РФ хоча ўвесці войскі ў Украіну пад маркай «абароны расейскамоўных».
Расейскамоўнае насельніцтва ва Украіне рызыкуе толькі там, дзе ёсць расейскія жаўнеры, заявіў спецыяльны прадстаўнік Дзяржаўнага дэпартаменту ЗША ў пытаннях Украіны Курт Волкер, паведамляе gordonua.com.
"Як я ўжо сказаў раней, адзінае месца ва Украіне, дзе расейскамоўныя людзі знаходзяцца пад пагрозай - тое, дзе ёсць расейскія жаўнеры. І цяпер ёсць новая рызыка", - напісаў Волкер у сваім Twitter.
As I’ve said before, the only place in Ukraine where Russian-speakers are at risk is where there are Russian soldiers. And now a new risk: https://t.co/9YxUE796jX
— Kurt Volker (@SpecRepUkraine) 13 апреля 2018 г.
Так ён пракаментаваў заяву амбасады ЗША ва Украіне аб рызыцы заражэння Данбаса радыеактыўнымі адкідамі, апублікаваную ў Twitter дыпмісіі.
"Устурбаваныя паведамленнямі аб забруджванні радыеактыўнымі адкідамі, выкліканым паслугачамі Расеі на Данбасе - гэта вялікая рызыка для здароўя людзей і навакольнага асяроддзя. Расея павінна спыніць канфлікт, гэта палепшыць жыццё жыхароў Данбаса", - гаворыцца ў паведамленні.
Занепокоєні повідомленнями про забруднення радіоактивними відходами,спричинене поплічниками Росії на Донбасі – це великий ризик для здоров’я людей і навколишнього середовища. Росія має припинити конфлікт, це покращить життя мешканців Донбасу.@OSCE_SMM
— U.S. Embassy Kyiv (@USEmbassyKyiv) 13 апреля 2018 г.
🔗https://t.co/AjGvrLHgUT …
У справаздачы Спецыяльнай маніторынгавай місіі АБСЕ ад 12 красавіка гаворыцца, што 14 красавіка ў шахце "Юнком" за 43 км ад акупаванага Данецка будуць вымкнутыя некалькі помпаў шахты, у выніку чаго шахта будзе пакрысе затопленая. У 1979 году ўнутры шахты ў капсуле быў падарваны ядзерны набой.
Супрацоўнікі шахты ў размове з патрулём заявілі, што пакуль не ясна, як магчымыя выцек або павышэнне ціску ў выніку затаплення тунэля шахты могуць пагражаць цэласнасці капсулы, бо на гэты момант стан капсулы невядома.
У сакавіку ваеўнікі "ДНР" заявілі аб намеры затапіць "ядзерную" шахту ў Енакіеве. Мінабароны Украіны папярэдзіла пра пагрозу заражэння грунтавых вод радыеактыўнымі часцінкамі.
