Рудольф Джуліяні далучыўся да каманды Трампа
- 20.04.2018, 11:33
- 7,620
Былы мэр Нью-Ёрка пастараецца наблізіць расследаванне спецпракурора Мюлера да заканчэння.
Былы мэр Нью-Ёрку Рудольф Джуліяні далучыўся да юрыдычнай каманды, якая прадстаўляе інтарэсы прэзідэнта Дональда Трампа ў расследаванні аб расейскім ўмяшанні ў выбары ЗША. Пра гэта паведамляюць амерыканскія СМІ са спасылкай на заяву самога кіраўніка Белага дома, паведамляе «Голас Амерыкі».
Джэй Сэкулоў, адзін з асабістых адвакатаў Трампа, пацвердзіў, што Джуліяні далучыцца да юрыдычнай каманды Трампа разам з былымі федэральнымі пракурорамі Джэйн Сэрэне Ранкін і Марцінам Раскіну.
«Рудзі цудоўны. Ён доўгі час быў маім сябрам і хоча хутка развязаць гэтае пытанне на карысць краіны», - гаворыцца ў заяве Трампа, якую перадаў журналіст Сэкулоў.
Джуліяні далучаецца да асабістых адвакатаў прэзідэнта Джэю Сэкулоў і Таю Кабу, якія займаюцца расследаваннем спецыяльнага пракурора Робэрта Мюлера аб умяшанні Расеі ў выбары 2016 года. Мюлер, былы кіраўнік ФБР, спрабуе высветліць, ці былі датычныя да расейскага ўмяшання чальцы перадвыбарчай кампаніі кандыдата Трампа.
Як паведамляе тэлеканал CNN, у тэлефонным інтэрв'ю Джуліяні распавёў журналістам тэлеканала, што ён хоча дапамагчы Трампу ў больш хуткім заканчэнні расследавання Мюлера, з якім ён даўно знаёмы і з якім ён працаваў у Міністэрстве юстыцыі ЗША.
«Для мяне вялікі гонар быць часткай такой важнай юрыдычнай каманды, і я з нецярпеннем чакаю не толькі працы з прэзідэнтам, але і з Джэем, Таем [Кабам] і іх калегамі», - гаворыцца ў заяве Джуліяні.
Як піша амерыканская прэса, гэты крок падмацуе юрыдычную каманду Трампа, якая была крыху аслабла пасля сыходу галоўнага асабістага адваката прэзідэнта Джона Доўда ў мінулым месяцы.
