Інтэрнэт-амбудсмэн РФ: Заблакаваць Telegram такімі барбарскімі метадамі немагчыма
3- 20.04.2018, 12:29
- 11,311
Блакаванне буйных рэсурсаў скончыцца перафарматаваннем самога Роскомнадзора.
Блакаванне Telegram паказала сваю неэфектыўнасць, таму Роскомнадзор знізіць сваю актыўнасць і паспрабуе знайсці іншую тактыку для барацьбы з мэсэнджэрам. Пра гэта ў чацвер, 19 красавіка, напісала расейская газета "Коммерсант", каментуючы намаганні ўстановы для абмежавання доступу ў РФ да папулярнага рэсурсу.
Паводле інфармацыі крыніц выдання, установа правяла нараду з найбуйнейшымі расейскімі аператарамі сувязі для блакавання Telegram, аднак якой-небудзь пастановы прынята не было.
Блакаванне мэсэнджэра пачалося 16 красавіка, у чорны спіс Роскомнадзора патрапілі амаль 20 мільёнаў IP-адрасоў, што выклікала праблемы з доступам у Расеі да шэрагу буйных сайтаў. Але хоць некаторыя карыстальнікі Telegram і адчувалі праблемы з доступам да сэрвісу, агулам праз тры дні блакаванняў ён працуе стабільна.
Роскомнадзор працягне спробы заблакаваць Telegram, але яны асуджаныя на крах, заявіў інтэрнэт-амбудсмэн РФ Дзмітрый Марынічаў. У інтэрв'ю DW ён выказаў упэўненасць, што Расею чакае перыяд татальнага кантролю і масавых блакаванняў у інтэрнэце, аднак у выніку ён скончыцца нічым, кіраўніцтва Роскомнадзора будзе звольненае, а самая ўстанова - перафарматаваная.
- СМІ пішуць, што Роскомнадзор працягне спробы заблакаваць Telegram. Як вы думаеце, якіх дзеянняў можна чакаць ад ведамства, і ці будуць яны эфектыўныя?
- Я першапачаткова быў катэгарычным супраціўнікам гэтых вар'яцкіх дзеянняў. Тэхналагічна заблакаваць дадатак такімі досыць барбарскімі метадамі немагчыма - без якіх-небудзь песімістычныя наступстваў для працы расейскага сэгмента сеткі інтэрнэт.
Магчыма, цяпер Роскомнадзор распачне нейкі адміністрацыйны ціск на буйныя інтэрнэт-кампаніі, на гіганты, з мэтай ізаляцыі Telegram. Шляхам вось такога лёгкага шантажу. Тых жа Google, Apple і Microsoft. Вось што будзе адбывацца.
- Як думаеце, у выніку Роскомнадзор адступіць - ці не?
- Не магу выказаць здагадку, адступяць яны ці не. Неяк далёка ўсё гэта зайшло. Я думаю, што павінна з'явіцца нейкае трэцяя асоба, перамоўнік, які зможа збалансаваць інтарэсы старон і даць магчымасць выблытацца ўдзельнікам гэтага канфлікту.
- Ці будуць яшчэ блакаванні вялікіх рэсурсаў? Напрыклад, Роскомнадзор ужо прыстрашыў заблакаваць Facebook, калі сацсетка не лакалізуе свае базы звестак у Расеі. Ці можна казаць, што Расея рухаецца ў бок татальнага кантролю і забарон у інтэрнэце?
- На жаль, так. Спробы нейкага татальнага кантролю інфармацыйных плыняў і стварэння дыстрыбуцыі інфармацыі будуць. Але гэта толькі спробы паўплываць на тое, на што паўплываць немагчыма.
Не варта забываць пра тое, што расейскі сэгмент інтэрнэту развіваўся досыць ліберальна, дэмакратычна. І ён нясе ў сабе гэтыя адгалоскі. У адрозненне, напрыклад, ад кітайскага сэгмента, ён прасякнуты ліберальнай філасофіяй. Людзі, якія падтрымліваюць яго, з'яўляюцца яго тэхналагічным падмуркам, яны наўрад ці будуць усё гэта цярпець.
Людзі, якія робяць гэтыя спробы кантролю, дрэнна разбіраюцца ў тэхналогіях і ў тым, куды наогул рухаецца лічбавы свет. Гэта проста такі прамежак часу, які трэба перажыць. Эпоха лічбавага цемрашальства. І трэба, каб грамадства атрымала вакцыну ад гэтага цемрашальства. У доўгатэрміновай перспектыве ўсе спробы такога кантролю раскідаюцца.
- Многія чыноўнікі і дэпутаты па-ранейшаму актыўна карыстаюцца Telegram. Пра што гэта, па-вашаму, кажа?
- Гэта сведчыць пра адраджэнне прававога нігілізму. Пра тое, што ў нашае жыццё вяртаецца прынцып падвойных стандартаў, такая савецкая ментальнасць. Калі ў грамадскай прасторы мы прэзентуем з сябе адно, а ў сябе на кухні - іншае. Тут прыкладна усё тое ж самае.
- Ці магчымая ў выніку адстаўка кіраўніка Роскомнадзора Аляксандра Жарава? За тое, што ён фактычна не справіўся з гэтай вайной, якую сам жа і абвясціў?
- Я ўпэўнены на 100 адсоткаў у ягонай адстаўцы. Я не бачу сэнсу ў тым функцыянале Роскомнадзора, які ёсць цяпер. Установа павінна адпавядаць задачам бізнэсу найперш. Рабіць жыццё кампаній, якія працуюць у гэтым асяроддзі, больш простым. А цяпер яна пакуль выступае ў ролі такога цэрбера, які толькі штрафуе, кантралюе, маніторыць і безапеляцыйна цісне на бізнэс.
Развіццё галіны павінна быць галоўнай задачай кіраўніцтва Роскомнадзора, але ніяк не вайна з Telegram. Дзейнасць для блакавання мэсэнджэра няе надае дынамікі ні бізнэсу, ні эканоміцы і акрамя сацыяльнай напружанасці нічога не фармуе.