На выбарах у Грэнландыі перамаглі прыхільнікі незалежнасці ад Даніі
4- 25.04.2018, 11:50
- 8,061
Сацыял-дэмакраты хочуць пашырыць магчымасці самакіравання, атрыманыя ў 2009 годзе.
Сацыял-дэмакратычная партыя Грэнландыі (Siumut) застаецца найбуйнейшай партыяй краіны, атрымаўшы на парламенцкіх выбарах у аўторак 27,2% галасоў выбарцаў.
Пра гэта паведамляе Politiken.
Лідар партыі Кім Кільсэн прадаўжае працаваць на пасадзе прэм'ер-міністра цягам наступных чатырох гадоў. Варта адзначыць, што партыя набрала на 7,1% галасоў менш у параўнанні з выбарамі 2014 года. Партыя Siumut дамінуе ў палітыцы Грэнландыі з 1979 года.
Вядучая апазіцыйная партыя Ataqatigiit, якой сацапытанні прарочылі перамогу, заняла толькі другое месца з 25,5% галасоў. Трэцяй стала "Дэмакратычныя партыя" - 19,5% галасоў выбарцаў. Усе гэтыя партыі падтрымліваюць курс на поўную незалежнасць ад Даніі.
Сярод сямі партый, якія ўдзельнічалі ў выбарах, супраць незалежнасці выступае толькі нядаўна створаная "Партыя супрацоўніцтва", якая на выбарах атрымала 4,1% галасоў.
Грэнландыя атрымала аўтаномію ў рамках Даніі ў 1979 годзе, у 2009 годзе выспа атрымала самакіравання. Капенгаген захоўвае кантроль толькі над замежнай палітыкай і абаронай Грэнландыі.
Пераважна пакрытая лёдам выспа з насельніцтвам 55 тысяч чалавек штогод атрымлівае ад дацкага ўрада амаль 500 млн еўраў субсідый.
І хоць канстытуцыя Даніі прызнае права выспы на самавызначэнне, калі Грэнландыя стане незалежнай дзяржавай, яна страціць субсідыі, якія складаюць 60% гадавога бюджэту выспы.
Таму галоўным пытаннем для партый, якія выступаюць за незалежнасць Грэнландыі, з'яўляюцца тэрміны аддзялення і як гэта зрабіць без збяднення выспы. Незалежная Грэнландыя можа стаць самай беднай нароўні з Сан-Марына краінай Еўропы паводле сумы ВНП.