Актывіста «Еўрапейскай Беларусі» Максіма Вінярскага асудзілі на сем дзён арышту

Прысуд вынес суд Першамайскага раёна.

Актывіста грамадзянскай кампаніі «Еўрапейская Беларусь» Максіма Вінярскага асудзілі на сем дзён адміністрацыйнага арышту за акцыю ў падтрымку палітвязняў 26 красавіка каля Акадэміі Навук у Менску.

Прысуд вынес суд Першамайскага раёна.

Пра гэта паведаміў карэспандэнт Charter97.org з Менска.

Інфармацыю пацвердзіла ў «Фэйсбуку» сястра актывіста Алена Церашкова. Яна таксама паведаміла, што ў пратаколе суда згадваліся актывісты Вольга Нікалайчык, Максім Чарняк, Леанід Кулакоў, Наталля Гарачка-Басалыга.

Вольгу Нікалайчык, да якой напярэдадні ў дом спрабавала ўварвацца міліцыя, арыштавалі, паведаміла Алена Церашкова.