Падчас навучальных заняткаў у Менску загінуў жаўнер тэрміновай службы
15- 4.04.2018, 16:03
- 28,293
Шараговец атрымаў агнястрэльнае раненне.
- 4 красавіка падчас планавых заняткаў у агнявой падрыхтоўцы на агнявым мястэчку 120 асобнай механізаванай брыгады вайскоўцамі тэрміновай вайсковай службы, якія ўваходзілі ў экіпаж БМП, былі парушаныя захады бяспекі падчас дзеянняў пры ўзбраенні баявых машын. У выніку адзін з чальцоў экіпажа старшы механік-кіроўца БМП шараговец Удод Дзмітрый Мікалаевіч атрымаў агнястрэльнае раненне, несумяшчальнае з жыццём, - паведамляе сайт Міністэрства абароны.
Цяпер у прычынах гібелі шарагоўца разбіраецца Следчы камітэт. Камісію для расследавання абставінаў і прычын здарэння ад вайсковага міністэрства ўзначальвае намеснік міністра абароны.
Міністэрства абароны выказвае глыбокія спачуванні родным і блізкім Дзмітрыя і надасць ім усебаковую падтрымку і неабходную дапамогу.
