Сталі вядомыя падрабязнасці ДТЗ з украінскімі дзецьмі пад Камянцом

Беларускія медыкі прааперавалі дзіця з Украіны, якое сур'ёзна пацярпела.

Дзіця з Украіны, якое пасля аварыі пад Камянцом знаходзілася ў вельмі цяжкім стане, прааперавалі ў мясцовай раённай лякарні, паведамілі tut.by у прэс-службе Міністэрства аховы здароўя. Да гэтага хлопчык быў падлучаны да апарата штучнай вентыляцыі лёгкіх.

«У сувязі з тым, што хлопчык атрымаў спалучаныя траўмы, у аперацыйнай працавала некалькі брыгад лекараў. Дапамога яму нададзеная цалкам, пасля стабілізацыі стану дзіця перавядуць ў Берасцейскую абласную лякарню», - распавялі ў Міністэрстве аховы здароўя.

Яшчэ пецярых пацярпелых перавезлі ў Берасце раней. Ва ўсіх пацярпелых дыягнаставаны чэрапна-мазгавыя траўмы рознай ступені цяжкасці, а таксама пераломы і вывіхі. Чальцы рэспубліканскага кансіліуму цяпер працуюць з кожным дзіцем і карэктуюць ягонае лячэнне.

З Берасця ў Камянец прыбыла брыгада медыкаў у складзе нейрахірурга, траўматолага, рэаніматолага і іншых спецыялістаў, а з Менска - дзіцячы траўматолаг, нейрахірург і дзіцячы анестэзіёлаг-рэаніматолаг.

Нагадаем, у выніку ДТЗ адно дзіця загінула.

13 траўня пад сем гадзін раніцы на 54-м км аўтадарогі Р-98 Камянец - Шарашова - Свіслач непадалёк ад вёскі Мартынюкі адбылася аварыя. Пацярпелі дзеці з украінскай каманды ў футболе.

Стала вядома, што 13-гадовае загінулае дзіця жыло ва ўкраінскім горадзе Сумы. Яго бацькі ўжо выехалі ў Беларусь. Паводле папярэдняй інфармацыі, падчас ДТЗ хлопчык знаходзіўся на пярэднім пасажырскім сядзенні мікрааўтобуса.

Дзеці вярталіся з неафіцыйнай паездкі ў Польшчу. Там яны пераймалі досед у мясцовых футбалістаў.

На трасе кіроўца Renault Master рэзнуўся ў пагрузчык "Амкадор", які рухаўся ў спадарожным кірунку