Уратуе толькі рэвалюцыя?

«Выбары» сталі ўзорам антыдэмакратычнасці і тыраніі.

У Венесуэле на выбарах прэзідэнта з прыходам менш як 45% перамогу атрымаў дзейны прэзідэнт Нікалас Мадура. Вынік - 68%.

«Выбары» ўжо цяпер можна назваць узорам антыдэмакратычнасці ды тыраніі, піша тэлеграм-канал «Запретное мнение». Колькасць толькі зафіксаваных парушэнняў набліжаецца да 200 000.

Каруселі, укіды, завышэнне афіцыйных лічбаў - выкарыстоўваліся ўсе сродкі.

Нагадаем, што апазіцыя ў поўным складзе (былы калега Чавэса - Энры Фальконе - не лічыца) байкатавала выбары. Увесь цывілізаваны свет (РФ не ўлічваецца) выбары прызнаваць адмаўляецца.

Тым часам, сітуацыя ў краіне лепшай не становіцца: грошы абясцэненыя, людзям не стае самага неабходнага (уключаючы прадукты харчавання), лютуюць эпідэміі і квітнее бандытызм.

Выбары-2018 прадэманстравалі нават самым памяркоўным і цярплівым, што кіроўца аўтобусаў Мадура добраахвотна з пасады прэзідэнта не сыдзе. Мала таго, ён ужо паабяцаў павялічыць ціск на празаходнія сілы ў краіне (як усё ж тыраны падобныя адзін да аднаго - проста пад капірку).

Будзе толькі горш. Выратаваць можа толькі рэвалюцыя.

Апазіцыя Венесуэлы ўжо пачала падрыхтоўку да масавых акцый пратэсту, якія з імавернасцю 99,9% выльюцца ў сутыкненні з наступным узгараннем сітуацыі. Калі гэтага не адбудзецца - на наступных выбарах Нікаласу давядзецца абіраць сябе самому. Больш проста ніхто не дажыве.