Дзярждума РФ прыняла закон аб контрсанкцыях

Тавары, якія забароняць да ўвозу ў Расею, вызначыць урад.

Дзярждума ў аўторак прыняла законапраект аб контрсанкцыях у трэцім, канчатковым чытанні. Пра гэта сведчаць звесткі, размешчаныя ў Сістэме забеспячэння заканадаўчай дзейнасці, паведамляе РБК.

Ініцыятыва дазволіць прэзідэнту ўводзіць санкцыі супраць ЗША і іх хаўруснікаў, меры могуць прымяняцца ў адказ на «непрыязныя дзеянні ў дачыненні да Расеі», гаворыцца ў тэксце законапраекта.

Дакумент дазваляе прэзідэнту спыняць або прыпыняць супрацоўніцтва з «непрыязнымі замежнымі дзяржавамі» і кампаніямі, якія працуюць пад іх юрысдыкцыяй.

Прэзідэнт таксама зможа забараніць увоз пэўных тавараў з такіх краін. Спіс тавараў, якія могуць быць забароненыя да ўвозу ў Расею, складае ўрад. Абмежаванні пры гэтым не будуць распаўсюджвацца на імпарт лекаў, як меркавалася раней, гэта асобна прапісана ў законапраекце. «[Меры] не выкарыстоўваюцца ў дачыненні да жыццёва неабходных тавараў, аналагі якіх не вырабляюцца ў Расеі», - гаворыцца ў тэксце дакумента.

Акрамя таго, дакумент дазволіць прэзідэнту абмяжоўваць вываз з тэрыторыі Расеі прадукцыі замежнымі арганізацыямі. Спіс такіх тавараў таксама вызначыць урад.

Раней законапраект змякчалі: з тэксту дакумента прыбралі забарона на імпарт у краіну лекаў з ЗША і пункту аб забароне працы ў Расеі для замежных спецыялістаў. Меры аб забароне на ўвоз лекаў раскрытыкавалі ў Савеце Федэрацыі, сэнатары гаварылі, што такія абмежаванні могуць выклікаць сацыяльныя рызыкі.

З законапраекта таксама зніклі галіновыя забароны, напрыклад на продаж расейскага тытану заходнім кампаніям.