Відэафакт: Расейскае пасольства ў Бэльгіі закідалі мячамі
5- 11.06.2018, 20:47
- 15,636
Актывісты правялі акцыю супраць рэпрэсій напярэдадні ЧС-2018.
Актывісты бэльгійскага аддзялення Amnesty International правялі пікет ля расейскай амбасады ў Брусэлі акцыю супраць рэпрэсій, за вызваленне кіраўніка чачэнскага «Мемарыялу» Аюба Ціціева, паведамляе graniru.org.
Як паведамляе тэлеканал HLN, адзінаццаць «футбалістаў» у майках з надпісам #JusticeForOyub («Правасуддзе для Аюба») прынеслі да пасольства сто футбольных мячоў і па свістку адправілі іх за браму дыпмісіі.
@amnestyvl en @amnestybe trapten net 100 voetballen over het hek van de Russische ambassade uit solidariteit met vervolgde mensenrechtenactivisten in Rusland. #justice4oyub pic.twitter.com/2mjP9iar5g
— Lore Van Welden (@lorevanwelden) 11 июня 2018 г.
Актывісты такім чынам выказалі пратэст супраць пераследаў праваабаронцаў у Расеі напярэдадні футбольнага чэмпіянату. «Мы патрабуем вызваліць Аюба Ціціева, кіраўніка чачэнскага аддзялення паважанай расейскай праваабарончай арганізацыі «Мемарыял», які ўжо паўгода сядзіць у турме паводле сфабрыкаваных абвінавачванняў, - заявіў кіраўнік фламандскай «Амністыі» Віс дэ Жвір. - Ён вязень сумлення і свайго роду сімвал - у Расеі у турме знаходзяцца тысячы актывістаў».