The Times: Крэмль сутыкаецца з хваляй народнага гневу

Наступствы ад падвышэння пенсійнага ўзросту могуць быць самымі сур'ёзнымі.

Журналіст Марк Бэнетс апавядае ў The Times, што Крэмль абвінавачваюць у спробе "прыхаваць" навіну пра павышэнне пенсійнага ўзросту ў РФ (да 63 гадоў для жанчынаў і да 65 гадоў для мужчынаў), якую прэм'ер-міністр Дзмітрый Мядзведзеў абвесціў падчас матчу ЧС паміж Расеяй і Саудаўскай Аравіяй.

«Блізу 57% расейскіх мужчынаў паміраюць, не дажыўшы да 65 гадоў, кажа статыстыка. Жанчыны могуць спадзявацца дажыць да 73, – піша аўтар. Больш за 90% расейцаў супраць павышэння пенсійнага ўзросту, як паказала нядаўняе апытанне грамадскай думкі, і амаль 2 млн ужо падпісалі петыцыю з патрабаваннем, каб урад адмовілася ад сваіх планаў. "Канфедэрацыя працы Расеі" паведаміла, што мае намер арганізаваць усенародныя пратэсты, каб паспрабаваць прымусіць яго гэта зрабіць», – гаворыцца ў артыкуле.

«Крэмль так занепакоены магчымасцю вулічных пратэстаў адносна пенсійнага пытання, што папрасіў чыноўнікаў адсочваць настроі грамадскасці, як паведаміла бізнэс-газета "Ведамасці" са спасылкай на крыніцу, блізкую да прэзідэнцкай адміністрацыі. Адзін з найбуйнейшых пратэстаў за час кіравання Пуціна прыйшоўся на 2005 год, калі ўрад скасаваў ільготы для пенсіянераў», – паведамляе журналіст.

Аналітыкі мяркуюць, што ў сувязі з узмацненнем жорсткасці законаў аб грамадскіх пратэстах на час ЧС масавых дэманстрацый не будзе як мінімум да ліпеня, паведамляе Бэнетс. КПРФ заклікала правесці ўсенародны пратэст 28 ліпеня.

Некаторыя аналітыкі выказалі здагадку, што ўрад на самай справе збіраецца павысіць пенсійны ўзрост не так моцна і не так хутка, як было абвешчана. "Гэта стандартны ход", – сказала расейскім СМІ крамлёўская крыніца.