Васіль Быкаў - сумленне нацыі і нацыянальны прарок
1- 22.06.2018, 22:39
- 18,650
Васіль Быкаў зрабіў неацэнны ўклад не толькі ў нацыянальную літаратуру, але і ў нацыянальнае адраджэнне.
Сумленне нацыі і нацыянальны прарок! 15 гадоў таму пайшоў з жыцця народны пісьменнік Беларусі Васіль Быкаў. Яго кнігі перакладзены на чатыры дзясятка моў, а сам пісьменнік вылучаўся на Нобелеўскую прэмію, нагадвае «Белсат».
Бескампрамісны і максімальна шчыры
Васіль Быкаў зрабіў неацэнны ўклад не толькі ў нацыянальную літаратуру, але і ў нацыянальнае адраджэнне. Менавіта ён падтрымаў Зянона Пазьняка, які раскрыў і распавядаў праўду пра расстрэлы ва ўрочышчы Курапаты. Быкаў стаў адным з заснавальнікаў Беларускага народнага фронту і выступаў супраць Лукашэнкі яшчэ да таго, як той стаў прэзідэнтам.
