Сайт «Хартыя-97» па-ранейшаму заблакаваны ў Беларусі

Інфармацыя пра тое, што Charter97.org часткова адкрываецца ў Беларусі, не пацвердзілася.

Сёння раніцай траціна апытаных намі чытачоў з Беларусі паведамілі пра магчымасць чытаць Charter97.org без выкарыстання ананімайзераў і спецыяльных праграм. Але пасля правядзення больш шырокага апытання на сайце і ў сацыяльных сетках высветлілася, што сайт «Хартыя-97» па-ранейшаму заблакаваны ў Беларусі. Дадзеныя статыстыкі таксама з'яўляюцца сярэднімі для суботы ў апошнія месяцы.

Нагадаем, Charter97.org блакуецца ў Беларусі з 24 студзеня гэтага года. Блакаванне папулярнага незалежнага сайта асудзілі ўрады еўрапейскіх краін, міжнародныя праваабарончыя арганізацыі і структуры, уключна з АБСЕ і Еўрапейскім парламентам.