Школьнік са Шчучыну зарабіў больш за $4 тысячы ў кіберспорце і перамог у турнір у Менску

Як кіберспорт змяніў жыццё беларускага падлетка.

Дзмітрый Дарашкевіч са Шчучына — сапраўдная зорка кіберспорту, які за адзін год умудрыўся з аматара перайсці ў прафесійную каманду. Яе ён пасля прывёў да перамогі ў двух чэмпіянатах Warface, перамогшы ў абодвух калектывах, якія ніхто не мог падолець цягам апошніх чатырох сезонаў, піша tut.by.

Telch за год стаў найлепшым гульцом у дысцыпліне, у якой многія гульцы праводзяць некалькі гадоў, толькі каб трапіць у прафесійную лігу. А яшчэ ён за апошні час здабыў найбольшы аднаразовы прызавы фонд сярод усіх спартоўцаў Warface. Яго ён плануе выдаткаваць на вышэйшую адукацыю.

Кіберспорт змяніў ягонае жыццё

Дзмітрыю цяпер 16 гадоў, ён вучыцца ў школе горада Шчучын Гарадзенскай вобласці. Улюбёныя прадметы — беларуская і ангельская мовы, а таксама геаграфія. Куды паступаць, ён пакуль не вызначыўся, але ў ідэале хоча вывучыць ангельскую мову і выбраць такую спецыялізацыю, дзе яна выкарыстоўваецца.

Мама Дзімы працуе ў цэнтры гігіены і эпідэміялогіі горада, бацька памёр чатыры гады таму, але па-ранейшаму застаецца кумірам хлопца. «Ён даў мне ўсё неабходнае, каб упэўнена крочыць па жыцці», — кажа нам кіберспартовец.

Да Warface Дзіма даволі доўга займаўся футболам. Аднак праз траўмы рэгулярныя трэнінгі давялося спыніць. Тады ж у яго з'явіўся добры кампутар, і ўсяго праз паўгода ён адыграў свой першы турнір. З пачаткам захаплення кіберспортам усё ў яго жыцці памянялася:

— У мяне стала не ставаць часу на штосьці акрамя вучобы (Дзіма скончыў 10-ы клас і ідзе на залаты медаль. — Заўв. рэд.) і кіберспорту. Трэба чымсьці ахвяраваць, каб дасягаць вышынь у тых ці іншых пачынаннях. Я выбраў свой шлях, і я думаю, што я зрабіў правільны выбар.

— Кіберспорт стаў часткай майго жыцця, — кажа Дзіма. — У мяне змяніўся графік дня: школа — урокі — трэніроўкі, у выхадныя — адпачынак. Спартыўны графік накладвае пэўныя абмежаванні — стала менш часу на шпацыры і гэтак далей. З іншага боку, кіберспорт дае мне процьму станоўчых эмоцый (хоць бываюць і адмоўныя). Я свядома на гэта ішоў. У першую чаргу кіберспорт для мяне — гэта сувязь у фанатамі і заробак.

Warface — тактычная кампутарная гульня ў жанры масавага шматкарыстальніцкага онлайн шутэра ад першай асобы (MMOFPS). Выданнем і лакалізацыяй у СНД займаецца Mail.Ru Group, а ў Еўропе, ЗША і КНР — My.com.

Warface - гэта вайсковы шутэр, дзеянне якога разгортваецца ў 2023 годзе. Гульня прапануе як класічныя паўнавартасныя PVP-бітвы з падзелам на класы персанажаў, так і кааператыўныя місіі ў канцэпцыі PVE.

На сёння Дзіма атрымаў 260 тысяч расейскіх рублёў (больш за 4 100 даляраў) з двух турніраў.

— Чакаю яшчэ пералічэнняў з двух (турніраў). Збіраю я на вучобу. Вядома, у планах паступіць на бюджэт, але калі не атрымаецца, то ёсць запасны варыянт — гульня.

Чаму менавіта Warface?

— Warface спадабаўся мне тым, што гэта дынамічная гульня c асаблівымі разынкамі, якіх няма ў іншых гульнях. Напрыклад, тут ёсць 4 класы (медык, штурмавік, інжынер і снайпер), 2 рэжымы (PVE і PVP), падкаты. Плюс да гэтага ў Warface не вельмі складана прабіцца ў майстар-лігу (master's League — прамежкавая стадыя паміж спартоўцамі пачаткоўцамі з Challenge League і прафесіяналамі з Pro League. — Заўв. TUT.BY). Але мне пашанцавала больш, пасля майго першага турніру мяне адразу ж паклікалі гуляць за склад F4F4 з Pro League.

— Я паставіў сабе за мэту выйсці ў фінал і паступова ішоў да яе, кажа Дзіма. — Я мог выйсці на LAN-фінал на сваім першым жа турніры, але не выстарчыла досведу, і мы саступілі ў кваліфікацыйных матчах з невялікім адрывам — 11:9.

Пасля гэтага я адыграў сезон у пра-лізе, набраўся досведу і паехаў на міжнародны LAN-фінал, які праходзіў у Маскве, у якасці гледача. Тая атмасфера і надала мне матывацыі працягнуць ісці да сваёй мэты. Пасля міжнароднага LAN-фіналу мяне паклікалі ў склад каманды Repulse, якая заняла тады 3-е месца. Там гулялі дастаткова дасведчаныя хлопцы, і я ім пасаваў. А на наступным турніры я выйшаў адразу ж на 2 фіналы: камандны і адзіночны. Такога яшчэ ніколі не было ў гісторыі Warface. Ніколі не забуду тых эмоцый!

Са слоў Дзімы, спачатку мама не верыла ва ўсё гэта.

— Казала, маўляў, гэта ўсё падман і такога не можа быць, каб за тое, што гуляеш, грошы плацілі. Не верыла яна да першага пералічэння прызавых. Пасля гэтага яна паглядзела на гэта з іншага боку і пачала падтрымліваць мяне. Дарэчы, мама разам з маім малодшым братам прыязджалі ў Менск на LAN заўзець за мяне, за што я ім вельмі моцна ўдзячны.

Telch распавёў, што і сябры таксама спачатку адмоўна ўспрынялі яго захапленне:

— Крыўдзіліся на мяне, што я не праводжу свой час з імі, але потым гэта ўсё прайшло, і мы добра ладзім і знаходзім час, каб сустракацца.

Менскі чэмпіён

13-ы сезон Warface Open Cup упершыню прайшоў у Менску, і Дзіма стаў там пераможцам.

— Гэта проста бомба! Арганізацыя была на вышэйшым узроўні. Гатэль 5 зорак, проста найлепшыя ўмовы для гульцоў. На буткэмпе 40 магутных кампутараў, шакавальная сцэна, мегамагутныя кампутары на сцэнах, на якіх гуляць адно задавальненне, на трансляцыі усё было вельмі прыгожа.

Увогуле, наогул усё было файна. Я нават не думаў, што будзе столькі гледачоў. Гэта найлепшы LAN ў гісторыі Warface. Тым больш прыемна было выступаць у сваёй краіне. Як гаворыцца, дома і сцены дапамагаюць!