Сустрэча Трампа і Макрона на G7 перанесеная

Трамп прыкладна на 45 хвілін адстаў ад свайго графіка, калі яго самалёт прызямліўся ў пятніцу ў Квебеку.

Запланаваная сустрэча прэзідэнта ЗША Дональда Трампа з прэзідэнтам Францыі Эмануэлем Макронам у рамках саміту «Вялікай сямёркі» ў Квебеку перанесеная.

Пра гэта паведамляе eurointegration.com cа спасылкай на Associated Press.

Трамп прыкладна на 45 хвілін адстаў ад свайго графіка, калі яго самалёт прызямліўся ў пятніцу ў Квебеку.

Трамп і Макрон планавалі правесці перамовы ў пятніцу раніцай, але офіс Макрона заявіў, што цяпер сустрэча чакаецца а 17:40 паводле мясцовага часу.

Белы дом заяўляе, што яны працуюць над тым, каб сустрэча была перанесеная на больш позні час у гэты ж дзень.

Як адзначае агенцтва, Дональд Трамп, відавочна, не спяшаўся адпраўляцца ў Канаду ў пятніцу. Ён выйшаў з Белага дома больш чым з паўгадзінным спазненнем і правёў час з прыхільнікамі, якія сабраліся ля яго рэзідэнцыі.

Затым Трамп амаль 20 хвілін адказваў на пытанні журналістаў.

Як паведамлялася, амерыканскага прэзідэнта Дональда Трампа чакае «халодны прыём» на сустрэчы лідараў сямі высокаразвітых краін свету 8-9 чэрвеня ў Канадзе.

Трамп прыбыў у Канаду пасля ўвядзення жорсткіх мыт на сталь і алюміній для сваіх заходніх гандлёвых партнёраў. Разам з тым лідары «Вялікай сямёркі» ўжо расчараваныя выхадам ЗША з двух міжнародных дамоў - Парыжскага кліматычнага пагаднення і Іранскага ядзернага пагаднення.

Перад самым адлётам у Канаду Трамп падтрымаў вяртанне Расеі ў клуб найбольш уплывовых дзяржаваў свету. Гэты крок можа яшчэ больш раскалоць і так хісткае адзінства ў лагеры «Вялікай сямёркі».