Дональд Трамп: Пуцін, відавочна, бязлітасны чалавек

Прэзідэнт ЗША параўнаў кіраўнікоў Расеі і КНДР.

Прэзідэнт ЗША Дональд Трамп заявіў, што прэзідэнт Расеі Уладзімір Пуцін «магчыма - бязлітасны чалавек». Так ён выказаўся напярэдадні свайго саміту з расейскім лідарам. Трамп паведаміў брытанскай газеце Daily Mail у інтэрв'ю, апублікаваным 14 ліпеня, пра тое, што мае намер балатавацца на наступных прэзідэнцкіх выбарах у ЗША ў 2020 годзе, дадаўшы, што «здаецца, усё хочуць мяне».

Трамп знаходзіцца ў Брытаніі ў рамках сваёй еўрапейскай паездкі, падчас якой раней ён наведаў Брусэль і ўдзельнічаў у саміце NATO, а затым адправіцца ў Хельсінкі на саміт з Пуціным, які адбудзецца 16 ліпеня.

Пасля таго як інтэрв'юер Пірс Морган назваў паўночнакарэйскага лідара Кім Чэн Ына «бязлітасным дыктатарам», Трамп пагадзіўся з гэтым і сказаў, што ён мае справу з многімі лідарамі, якія з'яўляюцца «даволі бязлітаснымі людзьмі». На пытанне, ці ўважаў ён, што Пуцін бязлітасны, Трамп сказаў: «Я не магу сказаць вам гэта... Я мяркую, што ён, магчыма, такі. Але я мог бы назваць іншых. Паслухайце, калі мы зможам ладзіць з Расеяй, гэта добра. Я яго не ведаю. Я сустракаўся з ім пару разоў, я сустрэў яго на саміце «Вялікай дваццаткі». «Я думаю, што мы, магчыма, добра паладзім», - дадаў Трамп, маючы на ўвазе саміт з Пуціным.

«Хтосьці спытаў: вы сябры ці ворагі? Я сказаў, што яшчэ рана гаварыць, але цяпер я кажу, што мы канкурэнты. Але для Злучаных Штатаў, і шчыра кажучы, для Вялікабрытаніі, і іншых краін варта ўжывацца з Расеяй і Кітаем і іншымі краінамі... гэта добра, гэта не дрэнна. Гэта сапраўды добра».

На пытанне, ці хоча ён вывесці Злучаныя Штаты з NATO, Трамп адказаў: «Я нават не ведаю, чаму вы задаяце такое пытанне. У нас цяпер значна больш самавіты NATO, чым на працягу многіх гадоў». Некаторыя заходнія хаўруснікі ўспрынялі каментары Трампа, у якіх ён патрабаваў ад NATO павялічыць свае выдаткі - ці Злучаныя Штаты «пойдуць у адзіночку», як пагрозу выхаду з Паўночнаатлантычнага саюза.