У Барселоне 110 тысяч чалавек выйшлі на акцыю пратэсту
3- 15.07.2018, 15:01
- 9,208
Мітынгоўцы патрабавалі вызвалення лідараў Каталоніі.
Больш за 100 000 чалавек выйшлі ў суботу на вуліцы Барселоны з патрабаваннем вызваліць з-пад варты лідараў сепаратысцкага руху і вярнуць дадому палітыкаў, якім у Гішпаніі пагражае крымінальны пераслед.
Пра гэта паведамляе La Vanguardia.
Пратэсты пачаліся пасля таго, як дзевяць каталонскіх лідараў, якіх трымалі пад вартай каля Мадрыда, перавялі ў турму ў Каталоніі. Пратэстоўцы патрабавалі ад гішпанскіх уладаў іх вызвалення.
Дэманстрацыю пад лозунгам «Не турме, не высылцы, мы любім вас дома» арганізавалі каталонская асацыяцыя "Òmnium Cultural", палітычная арганізацыя "Нацыянальная асамблея Каталоніі" і яшчэ некалькі каталонскіх асацыяцый.
На дэманстрацыі прысутнічалі і чальцы ўрада Каталоніі на чале з Кімам Торэ, які заявіў, што рух за незалежнасць "выйдзе зноў і зноў, пакуль выгнаннікі не вернуцца дадому".
"Кожная хвіліна, якую нашы вязні праводзяць у турмах, а не разам з сем'ямі і іх сябрамі - гэта сапраўдная палітычная непрыстойнасць, і мы не дапусцім гэтага", - заявіў ён.
Нагадаем, нямецкі суд дазволіў экстрадыцыю былога кіраўніка ўрада Каталоніі Карлеса Пучдэмона паводле абвінавачвання ў растраце дзяржаўных сродкаў.